Ramzan Kadyraŭ u studzieni nie mienš za 18 dzion zapar nie źjaŭlaŭsia na publičnych mierapryjemstvach, śviedčyć analiz publikacyj u jahonym błohu i na sajcie dziaržaŭnaha ahienctva «Čačen-Infarm», praviedzieny «Ahienctvam».
Apošnija paviedamleńni pra mierapryjemstvy z udziełam Kadyrava pierad doŭhim pierapynkam byli apublikavanyja 8 studzienia.
Tady jon paviedamiŭ, što braŭ udzieł u cyrymonii adkryćcia miemaryjału svajmu baćku Achmatu Kadyravu i prainśpiektavaŭ centralnuju častku Hroznaha. U toj ža dzień jon paŭdzielničaŭ u naradzie z kamandzirami padraździaleńniaŭ i načalnikami rajonnych adździełaŭ MUS.
Paśla hetaha paviedamleńniaŭ pra mierapryjemstvy z udziełam Kadyrava ŭ jahonym telehram-kanale i ŭ aficyjnym čačenskim infarmahienctvie «Hrozny-Infarm» nie źjaviłasia da 26 studzienia. U hety dzień kiraŭnik Čačni paviedamiŭ, što naviedaŭ repietycyju falkłornaha ansamblu «Nachčo».
Na videa, apublikavanym Kadyravym, jon i kiraŭnica ansamblu Amina Achmadava siadziać u pustoj zale. Hetaja publikacyja moža być «kansiervaj» (tak žurnalisty nazyvajuć spravazdačy pra dziejnaść vysokapastaŭlenych čynoŭnikaŭ, jakija zapisvajucca zahadzia i publikujucca, kali treba schavać praciahłuju adsutnaść čynoŭnika). Na heta moža pakazvać vopratka Kadyrava: na videa jon apranuty ŭ chudzi i kamizelku — dastatkova lohkuju vopratku dla hetaha času hodu (26 studzienia ŭ Hroznym było da +4 hradusaŭ).
Napačatku minułaha hodu Kadyraŭ taksama źnikaŭ z publičnaj prastory na 18 dzion, śviedčać publikacyi ŭ jahonym telehram-kanale.
Niekatoryja źniknieńni Kadyrava z publičnaj prastory mohuć być źviazanyja z prablemami sa zdaroŭjem. Naprykład, jon pierastavaŭ źjaŭlacca na publicy ŭvosień 2023 hoda.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary
Vieliznuju butelku šampanskaha padrychtavali.