Kačanava: Kniha «Naš prezident» stanie dla mnohich u krainie nastolnaj
Pra heta zajaviła staršynia Savieta Respubliki Natalla Kačanava. Siońnia ŭ Saviecie Respubliki adbyłasia sustreča z aŭtarami vydańnia — Alaksandram Radźkovym i Alaksandram Karlukievičam, piša BiełTA.
«26 studzienia ŭ našaj krainie adbylisia vybary prezidenta Respubliki Biełaruś, i Alaksandr Ryhoravič Łukašenka atrymaŭ pierakanaŭčuju pieramohu. My čarhovy raz pierakanalisia, što vybranaja im stratehija raźvićcia našaj dziaržavy była pravilnaj. Heta stratehija, nakiravanaja pierš za ŭsio na zachavańnie suvierenitetu i niezaležnaści našaj krainy, na toje, kab biełarusy žyli ščaśliva i dabrabytavali. I narod heta ŭ poŭnaj miery acaniŭ», — skazała Natalla Kačanava.
«Bo heta prykład taho, jak čałaviek svajoj pracaj, adkaznymi adnosinami da spravy, luboŭju da svajho naroda dasiahnuŭ takoha ŭzroŭniu prafiesijnaha rostu, uznačaliŭšy krainu. I samaje hałoŭnaje, što na praciahu ŭsiaho žyćcia jon zachavaŭ hetuju luboŭ da svajoj krainy, da svajho naroda, — adznačyła śpikier. — Prezident cenić kožnaha čałavieka i hanarycca svajoj krainaj. Ja dakładna viedaju: u knizie ŭsio napisana absalutna dakładna — da apošniaj kropli kryvi jon hatovy addać svajo žyćcio na karyść svajho naroda i svajoj krainy».
Dakumientalna-bijahrafičny narys «Naš prezident» napisany aŭtarskim kalektyvam u składzie Alaksandra Radźkova, Natalli Ejsmant, Uładzimira Piarcova i Alaksandra Karlukieviča.
Paniehiryk Łukašenku vydali pierad vybarami. Spačatku nadrukavali 5000 asobnikaŭ, a ciapier, imitujučy popyt z boku prostych ludziej, chočuć zavalić knihaj usie kramy.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m38
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary