U Hrodnie buduć zavočna sudzić uładalnika ofisnaha budynka, u jakim znachodzicca polskaje konsulstva
Śledčy kamitet 31 studzienia 2025 hoda zavioŭ kryminalnuju spravu suprać Stanisłava Bujnickaha pavodle art. 243 č. 2 KK (Uchileńnie ad vypłaty padatkaŭ, što paciahnuła pryčynieńnie škody ŭ bujnym pamiery). Heta ŭładalnik firmy «Fort», jakaja vałodaje budynkam na vulicy Budzionnaha, 48a, dzie znachodzicca Hienieralnaje konsulstva Polščy, piša Hrodna.life.
Sam 72-hadovy Bujnicki z 1999 hoda žyvie ŭ Biełastoku.
Nieruchomaść na vulicy Budzionnaha, 48a aryštavali albo kanfiskavali ŭ jaho ŭžo niekatory čas tamu, paviedamiła adna z krynic Hrodna.life.
Uletku 2024 prapahandysckija telehram-kanały publikavali infarmacyju, jakaja dyskredytuje «Fort»: nibyta pradpryjemstva brała vielizarnyja hrošy za arendu i nie sačyła za stanam nieruchomaści.
Taksama firmu abvinavačvali ŭ tym, što jana nie choča mianiać šyldu z nazvaj vulicy paśla taho, jak adras Budzionaha, 48a pamianiali na prajezd Emila Čečki, 2.
U 1990-ja hady Stanisłaŭ Bujnicki byŭ namieśnikam staršyni Sajuza palakaŭ na Biełarusi. Jon emihravaŭ u Polšču pa palityčnych pryčynach, atrymaŭšy polskaje hramadzianstva. Pry hetym praź firmu «Fort» biznesmien praciahvaŭ vałodać ofisnym budynkam na Budzionnaha, 48a. Dziakujučy hetamu budynak byŭ ledź nie adzinym miescam u Hrodnie, dzie mahli zdymać ofisy palityčnyja partyi i hramadskija arhanizacyi, jakim pa palityčnych pryčynach admaŭlali ŭ arendzie ŭ inšych miescach.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary