«U XX stahodździ ŭžo byŭ vopyt». MZS Biełarusi paraŭnaŭ biełarusaŭ i rasijan u Łatvii ź jaŭrejami ŭ Trecim Rejchu
Pres-słužba Ministerstva zamiežnych spraŭ vyrašyła prakamientavać zakonaprajekt ab zabaronie hramadzianam Biełarusi i Rasii kuplać nieruchomaść u Łatvii.
Napiaredadni deputaty łatvijskaha Siejma padtrymali razhlad zakonaprajekta, jaki zabaraniaje hramadzianam Biełarusi i Rasii, a taksama jurydyčnym asobam z hetych krain, kuplać nieruchomaść u Łatvii.
Hety zakonaprajekt vyrašyli prakamientavać u biełaruskim MZS. Kanał «Hłas MIDa», źviazany z pres-słužbaj viedamstva, pravioŭ histaryčnuju paralel sa stanoviščam jaŭrejaŭ u nacysckaj Hiermanii.
«Niearyhinalna. U XX stahodździ ŭ Jeŭropie ŭžo byŭ vopyt zabarony ludziam pa nacyjanalnaj prykmiecie vałodać nieruchomaściu, a jašče naviedvać univiersitety, teatry i kinateatry, hramadskija parki, łaźni i basiejny, kuplać haziety, jeździć u hramadskim transparcie. Vielmi šyroki śpis. My dobra pamiatajem, čym usio heta skončyłasia.
Ci ŭśviedamlajuć łatvijskija palityki, na jaki šlach jany šturchajuć svaju krainu? Ci zhodnyja razvažnyja žychary Łatvii z hetym vybaram?» — havorycca ŭ paviedamleńni.
MZS prapanavaŭ biełarusam viartacca na radzimu i kuplać kvatery tam.
Varta adznačyć, što histaryčnaja paralel, praviedzienaja MZS — manipulacyjnaja, pakolki ŭ nacysckaj Hiermanii, na jakuju łukašenkaŭskija čynoŭniki namiakajuć, abmiežavańni byli nakiravanyja nie suprać inšaziemcaŭ, a pieradusim suprać paŭnavartasnych hramadzian Hiermanii jaŭrejskaha pachodžańnia. Abmiežavańni ž, jakija źbirajecca ŭvieści Łatvija, robiacca nie pavodle etničnaj prynaležnaści, a pavodle hramadzianstva.
Takija abmiežavańni isnujuć u mnohich krainach sučasnaha śvietu, kali pa tych ci inšych pryčynach miascovyja ŭłady ličać, što nabyćcio nieruchomaści na ichniaj teratoryi hramadzianami inšych krain składaje pahrozu nacyjanalnaj biaśpiecy.
I niama ničoha dziŭnaha, što pry sučasnaj palitycy pucinskaj Rasii i łukašenkaŭskaj Biełarusi, kali na praktycy šyroka prymianiajecca taktyka «hibrydnaj vajny», u Łatvii i inšych padobnych krainach bačać takuju patencyjnuju pahrozu z boku rasijskich i biełaruskich hramadzian.
Zakonaprajekt pakul nie pryniaty, jaho pavinien razhledzieć Jurydyčny kamitet Siejma Łatvii. Zakon nie budzie raspaŭsiudžvacca na hramadzian Rasii, u jakich na momant jaho pryniaćcia budzie dziejučy pastajanny dazvoł na žycharstva ŭ Łatvii i status pastajannaha rezidenta ES.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
______________________
prykmiecie nie zhody z tym, što krainu zachapiŭ niejki biazrodny padškłoŭski. I u 21 stahodździ heta praciahnułasia z novaj siłaj. Navat nie budu śpis zabaron pisać, bo viečara nie chopić napisać hety našmat šyrejšy śpis. Ale
My dobra pamiatajem, čym usio heta skončyłasia.
Ci pamiatajuć heta pieški z łukašenkaŭskaha mzs? Aj, jak chočuć, hałoŭnaje, kab ludzi nie zabyvalisia.