U Maskvie na hihancki termin asudzili maładoha biełarusa — za padpał łakamatyva jamu zapłacili ŭsiaho $26
Vajskovy sud asudziŭ 20‑hadovaha hramadzianina Biełarusi Ilju Alaškieviča da 16 hadoŭ pa artykule za terakt, učynieny hrupaj asob pa papiaredniaj zmovie. Jaho ravieśniku rasijaninu Antonu Bakłanavu dali 15 hadoŭ, piša «Kommiersant'».
Pavodle materyjałaŭ spravy, abvinavačanyja šukali chutki zarobak u telehramie. Za ŭznaharodu 120 tysiač rasijskich rubloŭ (kala 1500 dalaraŭ) im prapanavali padpalić aŭtamatrysu (admysłovy samachodny vahon) na stancyi Bykava ŭ Maskoŭskaj vobłaści.
Chłopcy źlili bienzin z aŭtamabila «Hazel» u haražnym kaapieratyvie, paśla čaho Alaškievič raźbiŭ škło ŭ vahonie i padpaliŭ kabinu, a Bakłanaŭ zdymaŭ praces na videa dla spravazdačy kurataru. U vyniku majomaści była naniesiena škoda sumaj kala 70 tysiač dalaraŭ, choć za vykanańnie zadańnia Alaškievič atrymaŭ usiaho 26 dalaraŭ.
Kvalifikacyja spravy vyklikała sprečki pamiž siłavymi strukturami. FSB, jakaja pravodziła ekśpiertyzy, nie ŭhledzieła ŭ dziejańniach maładych ludziej terarystyčnych matyvaŭ abo namieru na dyviersiju. Supracoŭniki FSB pryjšli da vysnovy, što fihurantaŭ uviali ŭ zman i ich dziejańni varta kvalifikavać jak pryviadzieńnie ŭ nieprydatnaść transpartnych srodkaŭ, što praduhledžvaje da adnaho hoda źniavoleńnia.
Adnak paśla pieradačy spravy ŭ MUS rasśledavańnie praciahnułasia pa artykule ab terakcie.
Abarona nastojvała na tym, što ŭ padsudnych nie było namieru zastrašyć nasielnictva abo destabilizavać uładu.
Padpał adbyŭsia hłybokaj nočču na tupikovym šlachu ŭdalečyni ad ludziej, a ahoń patušyli za vosiem chvilin.
Advakaty adznačyli, što słova «Ukraina» adsutničaje ŭ pierapiskach i pakazańniach, a sami junaki — adzin ź jakich vychavaniec dziciačaha doma, a druhi syšoŭ ź siamji ŭ 17 hadoŭ — prosta sprabavali znajści hrošy na žyllo.
Niahledziačy na dovady abarony, sudździa Juryj Masin pryznačyŭ terminy, jakija zapytała dziaržaŭnaje abvinavačańnie.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?7
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary