Ministerstva abarony ZŠA raspracavała płany praviadzieńnia łakalnych naziemnych apieracyj na terytoryi Irana, jakija mohuć praciahvacca ad niekalkich tydniaŭ da dvuch miesiacaŭ.
Havorka idzie nie pra paŭnavartasnaje ŭvarvańnie, a pra kropkavyja rejdy sił śpiecyjalnych apieracyj i piachoty. Asnoŭnymi metami razhladajucca zachop vostrava Chark — klučavoha naftavaha chaba Irana i źniščeńnie bierahavych vajskovych abjektaŭ u rajonie Armuzskaha praliva, paviedamlaje The Washington Post sa spasyłkaj na amierykanskich čynoŭnikaŭ.
Zachop iranskaj terytoryi stvoryć kaštoŭnyja kozyry ŭ budučych pieramovach. Najbolšaj prablemaj, dadaŭ surazmoŭca vydańniu na ŭmovach ananimnaści, budzie abarona amierykanskich vojskaŭ, jakija ŭtrymlivajuć terytoryju.
«Vam treba zabiaśpiečyć prykryćcio ludziam na vostravie Chark, — skazaŭ surazmoŭca. —Heta składanaja zadača. Zachapić jaho nieskładana. Abaranić svaich chłopcaŭ, kali jany tam apynucca, — składana».
Administracyja Trampa pakul demanstruje supiarečlivuju rytoryku. U toj čas jak sam prezident ZŠA admaŭlaje płany pa adpraŭcy vojskaŭ, jaho pres-sakratar Karalin Livit papiaredžvaje ab hatoŭnaści «raźviazać piekła», kali Tehieran nie admovicca ad jadziernych ambicyj.
Pry hetym dziaržsakratar Marka Rubia nastojvaje, što mety ZŠA mohuć być dasiahnuty i biez naziemnych sił.
Vajennyja ekśpierty papiaredžvajuć ab kałasalnych ryzykach: amierykanskija padraździaleńni na iranskaj ziamli stanuć mišeniami dla masavanych atak dronami, rakietami, samarobnaj vybuchoŭkaj. Uličvajučy, što za apošni miesiac u rehijonie ŭžo zahinuli 13 amierykanskich vajskoŭcaŭ, a bolš za 300 atrymali ranieńni, naziemnaja faza moža rezka pavialičyć śpis strat.
Situacyju ŭskładniaje i hramadskaja dumka: pavodle apytańniaŭ, bolš za 60% amierykancaŭ kateharyčna suprać adpraŭki sałdat u Iran.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
To bok, režym zastaniecca - usie heta dla svajho hiešieftu.
Tramp nie palityk - Tramp tarhaš.