Kampanija Nestle paviedamiła, što na minułym tydni ŭ Jeŭropie skrali hruzavik, na jakim pieravozili bolš za 413 tysiač šakaładak KitKat, abo kala 12 ton batončykaŭ. Pra heta piša Reuters.
Pavodle infarmacyi kampanii — vytvorcy KitKat, hruzavik z sotniami tysiač batončykaŭ vyjechaŭ ź Italii i pavinien byŭ razvozić šakaład pa ŭsioj Jeŭropie, ale tak i nie dabraŭsia da kančatkovaha punkta ŭ Polščy.
U Nestle nie ŭdakładnili, dzie mienavita źnik tavar, adnak adznačyli, što miescaznachodžańnie transpartu i šakaładu dahetul nieviadomaje.
U kampanii dadali, što mohuć adsačyć vykradzienyja KitKat z dapamohaj QR-koda na ŭpakoŭcy, tamu kali niechta pasprabuje jaho adskanavać, sistema daść instrukcyi ab tym, jak źviazacca z kampanijaj.
«Choć my cenim vyklučny hust złačyncaŭ, fakt zastajecca faktam, što kradziež hruzaŭ źjaŭlajecca niedapuščalnym dla pradpryjemstvaŭ luboha pamieru», — zajavili ŭ kampanii KitKat.
Jany taksama papiaredzili, što kradziež moža pryvieści da deficytu batončykaŭ u Jeŭropie, u pryvatnaści napiaredadni vielikodnych śviataŭ.
«Rasśledavańni praciahvajucca ŭ ciesnym supracoŭnictvie ź miascovymi ŭładami i partniorami pa łancužku pastavak», — adznačyŭ vytvorca.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj3
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3030
Kamientary