Kansorcyum inviestaraŭ na čale ź Iłanam Maskam padaŭ zajaŭku ŭ radu dyrektaraŭ OpenAI na nabyćcio za $97,4 młrd niekamiercyjnaj arhanizacyi, jakaja kantraluje dziejnaść raspracoŭnika čat-bota ChatGPT, piša The Wall Street Journal.
Kiraŭnik OpenAI Sem Altman adkazaŭ u sacsietcy X: «Nie, dziakuj, ale my možam kupić Twitter za $9,74 młrd, kali chočacie». Mask nabyŭ Twitter u 2022 hodzie za $44 młrd i pieranazvaŭ jaho ŭ X.
Mask, suzasnavalnik Open AI (pakinuŭ radu dyrektaraŭ kampanii ŭ 2018 hodzie), nie pahadziŭsia ź jaje pierachodam da kamiercyjnaj dziejnaści. Jon padaŭ u sud na OpenAI i Altmana z-za kamiercyjalizacyi kampanii. Na jaho dumku, OpenAI była pieratvorana ŭ de-fakta daččynuju kampaniju Microsoft z zakrytym zychodnym kodam.
«Pryjšoŭ čas dla OpenAI viarnucca da adkrytaha zychodnaha koda», — zajaviŭ Mask.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary