Karol Iardanii sustreŭsia z Trampam i ŭžo zhodny prymać paleścincaŭ
Karol Iardanii Abdała II siońnia naviedaŭ Bieły dom dla sustrečy z Donaldam Trampam. Raniej prezident ZŠA pahražaŭ spynić padtrymku Jehipta i Iardanii, kali jany nie padtrymajuć jahony płan pa rašeńni kanfliktu ŭ siektary Haza — pierasialeńniu paleścincaŭ u inšyja arabskija krainy, dzie dla ich stvorać dobryja ŭmovy. Vyhladaje, što hetyja pahrozy majuć efiekt.
Raniej Abdała II asudžaŭ ideju pierasialeńnia paleścincaŭ, ale paśla sustrečy z kiraŭnikom ZŠA źmianiŭ rytoryku. Karol Iardanii paviedamiŭ, što kraina prymie ŭ najbližejšy čas 2000 dziaciej, jakija znachodziacca ŭ ciažkaj situacyi ŭ siektary. Paśla hetaha jon praviadzie pieramovy ź Jehiptam i Saudaŭskaj Aravijaj, kab znajści samaje aptymalnaje rašeńnie, pavažajučy intaresy hetych krain i ZŠA.
«My vierym u toje, što možna dasiahnuć miru i roskvitu ŭ rehijonie. Dziela dasiahnieńnia hetaj mety Iardanija padtrymaje prezidenta ZŠA Donalda Trampa», — zajaviŭ Abdała II.
«Ja dumaju, što jon budzie prymać biežancaŭ», — skazaŭ Tramp žurnalistam u Biełym domie paśla sustrečy.
Jon taksama zajaviŭ, što pierasialeńnie dvuch miljonaŭ paleścincaŭ z Hazy — «nieskładanaja sprava». Pavodle jaho, heta nielha ličyć etničnaj čystkaj, bo ludzi buduć žyć va ŭmovach lepšych, čym siońnia.
Na pytańnie žurnalista, ci idzie havorka pra kuplu siektara, Tramp zajaviŭ: «My nie kupim Hazu, my prosta jaje zabiarem».
Adkazvajučy na pytańnie, ci admović jon u dapamozie Iardanii i Jehiptu, kali tyja ŭsio ž admoviacca prymać paleścincaŭ z Hazy, Tramp skazaŭ: «Tak, moža być, viadoma, čamu b i nie? … Kali jany nie pahodziacca, to ja, mahčyma, admoŭlu im u (akazańni) dapamohi».
Iardanija ŭžo sutyknułasia z nastupstvami 90-dzionnaj paŭzy ŭ nadańni dapamohi, abvieščanaj administracyjaj Trampa. Izrail i Jehipiet atrymali adterminoŭku, ale 1,45 miljarda dalaraŭ, jakija Iardanija atrymlivaje ad ZŠA kožny hod, zastajucca zamarožanymi datul, pakul administracyja nie pierahledzić usiu zamiežnuju dapamohu.
U Iardanii raźmieščanyja amierykanskija vojski i, u pryvatnaści, avijacyja. Jana źjaŭlajecca važnym partnioram Vašynhtona pa abmienie raźvieddanymi, a mirnaja damova pamiž Iardanijaj i Izrailem, padpisanaja ŭ 1994 hodzie, maje klučavoje značeńnie dla rehijanalnaj stabilnaści.
Donald Tramp abiacaje, što jahonyja rašeńni narešcie pryniasuć u rehijon mir, a paleścincy zmohuć žyć kamfortna, biez pahrozy novaj vajny i hibieli. Učora Tramp taksama zaklikaŭ CHAMAS vyzvalić usich zakładnikaŭ da paŭdnia suboty, prystrašyŭšy ruch bajavymi dziejańniami. Heta stała adkazam na zajavu ruchu, jaki abviaściŭ, što prypyniaje vyzvaleńnie zakładnikaŭ.
Siońnia premjer-ministr Bińjamin Nietańjachu ŭ videazvarocie paśla čatyrochhadzinnaha pasiadžeńnia Kabinieta ministraŭ zajaviŭ, što Izrail adnović «intensiŭnyja bai» ŭ siektary Haza, kali CHAMAS nie vykanaje patrabavańnie Trampa. Nietańjachu nie ŭdakładniŭ, kolki zakładnikaŭ pavinna być vyzvalena — zhodna ź pieršapačatkovymi ŭmovami ździełki, u hetuju subotu pavinny być vyzvalenyja troje izrailcian.
Na hetym fonie Armija abarony Izraila zajaviła, što dadatkova naroščvaje siły ŭ rajonie siektara. Vajskoŭcy apisvajuć uzmacnieńnie vojskaŭ jak «maštabnaje» i kažuć, što jano ŭklučaje pryzyŭ reziervistaŭ. Pravyja izrailskija palityki zaklikajuć zładzić «piekła» dla CHAMAS i kančatkova źniščyć ruch.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary