Rasija vyzvaliła źniavolenaha amierykanca ŭ ramkach niejkaj ździełki z ZŠA
Prezident ZŠA Donald Tramp siońnia damohsia vyzvaleńnia hramadzianina ZŠA, nastaŭnika Marka Fohiela, zatrymanaha ŭ Rasii ŭ 2021 hodzie pa abvinavačvańni va ŭvozie miedycynskaj marychuany, paviedamiŭ Bieły dom.
Pieramoŭščykam byŭ śpiecpasłańnik Trampa Styŭ Uitkaf, čyj samalot siońnia prylacieŭ u Maskvu
Fohiela vyvieźli z krainy na samalocie Uitkafa. Samalot vylecieŭ z Maskvy kala 21:00 pa miascovym časie (supadaje ź minskim).
Daradca prezidenta ZŠA pa nacyjanalnaj biaśpiecy Majkł Uołtc apublikavaŭ u suviazi z hetym zajavu ŭ sacyjalnaj sietcy X:
«Siońnia prezident Donald Dž. Tramp i jahony śpiecyjalny pasłańnik Styŭ Uitkaf abviaščajuć, što spadar Uitkaf pakidaje pavietranuju prastoru Rasii razam z Markam Fohielem — amierykancam, jaki byŭ zatrymany ŭ Rasii.
Prezident Tramp, Styŭ Uitkaf i daradcy prezidenta praviali pieramovy ab abmienie, jaki staŭ žestam dobraj voli z boku Rasii i śviedčyć ab tym, što my ruchajemsia ŭ pravilnym kirunku dla zakančeńnia žorstkaj i razburalnaj vajny va Ukrainie.
Z momantu ŭstupleńnia prezidenta Trampa na pasadu jamu ŭdałosia damahčysia vyzvaleńnia amierykancaŭ, zatrymanych pa ŭsim śviecie, i jon praciahnie hetuju pracu, pakul usie źniavolenyja hramadzianie ZŠA nie buduć viernutyja na radzimu. Užo siońnia ŭviečary Mark Fohiel apyniecca na amierykanskaj ziamli i ŭźjadnajecca sa svajoj siamjoj i blizkimi dziakujučy lidarstvu prezidenta Trampa».
Nijakich padrabiaznaściaŭ, ci vyzvalili Złučanyja Štaty abo ich sajuźniki kahości ŭzamien, Uołtc nie padaŭ. Taksama nieviadoma, ci abmiarkoŭvalisia padčas sustrečy inšyja pytańni, uklučajučy Ukrainu. Pradstaŭniki Biełaha doma admovilisia kamientavać hetyja pytańni.
U minułym nastaŭnik, amierykaniec Mark Fohiel adbyvaŭ termin u Rasii pa abvinavačvańni ŭ handli narkotykami. U 2021 hodzie jon byŭ asudžany da 14 hadoŭ pazbaŭleńnia voli. ZŠA pryznavali jaho «niezakonna zatrymanym».
Prylot Styva Uitkafa — heta pieršy vizit u Maskvu vysokapastaŭlenaha amierykanskaha čynoŭnika za bolš čym try hady. Pierad hetym apošni raz u stalicy Rasii byŭ Uiljam Dž. Bierns, tahačasny dyrektar CRU, jaki naviedvaŭ Maskvu ŭ listapadzie 2021 hoda, kab pasprabavać praduchilić bajavyja dziejańni va Ukrainie.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary