Inakš CACHAŁ adnović intensiŭnyja bajavyja dziejańni, pakul CHAMAS nie budzie kančatkova raźbity.
Premjer-ministr Izraila Bińjamin Nietańjachu zajaviŭ, što izrailskaja armija adnović bajavyja dziejańni ŭ siektary Haza, kali hrupoŭka CHAMAS nie viernie zakładnikaŭ, jakija ŭtrymlivajucca ŭ ankłavie, da 12:00 suboty, piša Bi-bi-si.
«Kali CHAMAS nie viernie našych zakładnikaŭ da 12:00 suboty, pieramirje skončycca, i CACHAŁ adnović intensiŭnyja bajavyja dziejańni, pakul CHAMAS nie budzie kančatkova raźbity», — havorycca ŭ zajavie Nietańjachu, apublikavanaj paśla sustrečy z členami vajennaha kabinieta.
«U śviatle zajavy CHAMAS pra jahonaje rašeńnie parušyć pahadnieńnie i nie vyzvalać našych zakładnikaŭ, učora ŭviečary ja addaŭ zahad CACHAŁ zasiarodzić siły ŭnutry i vakoł siektara Haza. Hetaja apieracyja pravodzicca ŭ hetyja hadziny i budzie zavieršana ŭ samy bližejšy čas», — dadaŭ Nietańjachu.
Raniej prezident ZŠA Donald Tramp zapatrabavaŭ ad CHAMAS vyzvalić usich zakładnikaŭ da 12:00 suboty, inakš «pačniecca sapraŭdnaje piekła».
Napiaredadni bajeviki pahražali adkłaści nastupny etap vyzvaleńnia izrailskich zakładnikaŭ i ich abmienu na palestynskich źniavolenych, zajaviŭšy pra nievykanańnie Izrailem umoŭ pahadnieńnia ab pieramirji. Izrail zajaviŭ, što dziejańni CHAMAS parušajuć umovy ździełki.
U minułuju subotu zaviaršyŭsia čarhovy etap abmienu: byli vyzvaleny troje izrailskich zakładnikaŭ i 183 palestynskija źniavolenyja.
Z 33 izrailcian, jakich CHAMAS abaviazaŭsia vyzvalić na pieršym etapie ździełki, 16 čałaviek užo viarnulisia dadomu. Ad samaha pačatku było viadoma, što vosiem čałaviek z hetych 33 — miortvyja. Takim čynam, na pieršym etapie damovy bajeviki pavinny viarnuć jašče dzieviać žyvych zakładnikaŭ.
Pavodle źviestak izrailskich uładaŭ, zasnavanych na danych izrailskaj raźviedki, na momant uzhadnieńnia pieršaha etapu pahadnieńnia ŭ Katary ŭ pałonie CHAMAS zastavalisia 94 čałavieki.
U hetuju subotu CHAMAS pavinien byŭ vyzvalić jašče traich izrailcian u abmien na čarhovuju partyju palestynskich źniavolenych, jakija adbyvajuć terminy ŭ izrailskich turmach.
Ciapier čytajuć
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»3
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
piekło dla chamasa?)))achacha))dla načała nužno ponimať čto takoje bojevik chamasa)utaŝat v mohiłu jeŝie paru tysiač sołdat izraila i zaklučat jeŝie odnu vyhodnuju...sdiełku)vojna eto ich suť)na potieri im plevať a vosstanavlivajutsia(v tom čiśle i błahodaria izrailu) oni momientalno)
jevriei na ošibkach nikohda nie učatsia.a nietańjachiera užie davno pora otpravlať v otstavku.