Kot prabraŭsia ŭ samalot, napałochana tam siadzieŭ i nie davaŭ siabie złavić. Rejs zatrymali na dvoje sutak
Zdareńnie adbyłosia z samalotam Ryanair, jaki mieŭsia vylecieć na minułym tydni z Ryma ŭ Hiermaniju.
Kot, jaki trapiŭ u samalot pierad uźlotam, vyklikaŭ dvuchdzionnuju zatrymku rejsu, piša The Sun.
Ekipaž pačuŭ miaŭkańnie kata, kali pasažyry rychtavalisia da pasadki na samalot Ryanair. Žyviołu znajšli ŭ elektryčnym adsieku, ale jana schavaŭsia ŭ pravadach, što zrabiła niemahčymym vylet Boeing 737 z aeraporta Ryma.
Inžyniery źniali hruzavyja paneli, ale heta nie dapamahło, tamu pakinuli dźviery adkrytymi. Narešcie kot praz dvoje sutak aściarožna spuściŭsia pa trapie.
Krynica paviedamiła: «Kot byŭ nielehalnym pasažyram, ale moh by stvaryć surjoznyja prablemy na vyšyni 10 000 mietraŭ. Dobra, što jaho miaŭkańnie pačuli. Heta stała darahoj prablemaj dla Ryanair i kaštavała im dziasiatki tysiač funtaŭ».
Aficyjny rapart ab chaosie, jaki adbyŭsia na minułym tydni, havoryć: «Padčas pieradpalotnaj pravierki byŭ pačuty huk kata. Kot byŭ u piarednim elektryčnym i abstalavalnym adsieku. Padčas sproby złavić kot pieramiaściŭsia ŭ zadniuju častku asnoŭnaha elektryčnaha adsieka praź leśvičnaje adździaleńnie. Byli źniatyja piarednija paneli hruzavoha adsieka dla palapšeńnia dostupu… kot znoŭ pieramiaściŭsia napierad».
Zapisy pakazvajuć, što samalot byŭ zatrymany na dva dni, pierš čym vylecieŭ u Hiermaniju ŭ minuły paniadziełak.
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary