Palitviaźnia, jaki zapłaciŭ uładam $775 tysiač kampiensacyi i źniaŭsia ŭ filmie BT, asudzili jašče na 9 hadoŭ
U sakaviku 2024 hoda ŭ druhi raz asudzili palitviaźnia Alaksandra Zijazetdzinava, ale viadoma pra heta stała tolki ciapier, piša dissidentby.
15 sakavika 2024 hoda Minski haradski sud pryhavaryŭ ajcišnika Alaksandra Zijazetdzinava da 9 hod kałonii pa abvinavačvańni ŭ «finansavańni terarystyčnaj dziejnaści» (art. 361-2 KK).
Heta ŭžo druhi prysud Zijazetdzinavu: vosieńniu 2022 hoda jaho asudzili da 3 hod kałonii za pieravod kryptavaluty na rachunki Bypol.
U 2023 hodzie ŭ filmie dziaržaŭnaj prapahandy Zijazetdzinaŭ raspavioŭ pra toje, što napisaŭ prašeńnie ab pamiłavańni i sprabuje vyrašyć situacyju praz kampiensacyju.
U siužecie raskazvałasia, što mužčyna dla hetaha abmianiaŭ 31 bitkoin i zaličyŭ sumu na rachunki miedycynskich ustanoŭ. Tady adzin bitkoin kaštavaŭ 25 tysiač dalaraŭ, tak što vierahodnaja suma vodkupu była 775 tysiač dalaraŭ.
Palitviaźniu admovili ŭ pamiłavańni i kanfiskavali hrošy. Bypol biełaruskija ŭłady pryznali «terarystyčnym farmavańniem» i zaviali suprać ajcišnika novuju kryminalnuju spravu.
Ciapier Alaksandr Zijazetdzinaŭ znachodzicca ŭ škłoŭskaj kałonii.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»12
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary