ZŠA dali zrazumieć Ukrainie, što hatovyja raźmiaścić u krainie vojski ŭ abmien na dostup da 50% jaje karysnych vykapniaŭ
U subotu stali viadomyja padrabiaznaści ździełki, jakuju napiaredadni Miunchienskaj kanfierencyi pa biaśpiecy administracyja Donalda Trampa prapanavała Uładzimiru Zialenskamu.
Havorka ŭ joj idzie nie tolki ab pieradačy ZŠA dostupu da pałovy redkaziamielnych mietałaŭ Ukrainy. Pradstaŭniki Biełaha doma taksama dali zrazumieć, što ŭ vypadku ŭhody dla abarony svaich intaresaŭ ZŠA hatovyja raźmiaścić amierykanskija vojski ŭ krainie, paviedamiŭ telekanał NBC News sa spasyłkaj na čatyry krynicy.
Upieršyniu pra toje, što Vašynhton prapanavali Ukrainie pieradać pad kantrol ZŠA 50% redkaziamielnych mietałaŭ u krainie, paviedamiŭ u piatnicu žurnalist The Washington Post Džoš Rohin. Pavodle jaho źviestak, taki płan pieradała Zialenskamu pasoł ZŠA ŭ Kijevie Brydžyt Brynk pierad pajezdkaj u Kijeŭ ministra finansaŭ ZŠA Skota Biesenta
Čarnavik pahadnieńnia Biesent pieradaŭ Zialenskamu padčas sustrečy ŭ Kijevie ŭ sieradu. Sens damovy dźvie krynicy vydańnia patłumačyli tak: pahadnieńnie stanie dla Ukrainy sposabam pakryć ZŠA miljardy dalaraŭ za pastaŭki zbroi i padtrymku, pradastaŭlenyja Kijevu z pačatku vajny. Paśla sustrečy Biesent skazaŭ, što prajekt pahadnieńnia pa hetym pytańni adlustroŭvaje mety Trampa, pry hetym jon nie staŭ publična raskryvać jaho sutnaść.
Zialenski admoviŭsia padpisvać dakumient, adznačyŭšy, što jamu treba vyvučyć jaho i pravieści kansultacyi, skazali krynicy žurnalistaŭ.
Ministr finansaŭ ZŠA pryvioz u Kijeŭ prajekt pahadnieńnia pa pryrodnych resursach
Zialenski raskazaŭ, jak bačyć «ździełku» z Trampam pa karysnych vykapniach
Zialenski: Kijeŭ adkryty da supracoŭnictva pa zdabyčy redkaziamielnych mietałaŭ
Šolc nazvaŭ žadańnie Trampa abmianiać dapamohu Ukrainie na redkaziamielnyja mietały «ehaistyčnym»
Tramp prapanavaŭ dapamohu Ukrainie ŭ abmien na redkaziamielnyja mietały. Kijeŭ adkazaŭ
Kamientary