Praŭładny śpiavak damoviŭsia, kab u tualecie kaviarni hučała jaho pieśnia
Naviny sa śvietu biełaruskich inavacyj, jakija my zasłužyli.
Praŭładny śpiavak Ivan Zdaniuk, jaki staranna pracavaŭ na «Marafonach adzinstva», zajšoŭ niadaŭna ŭ prybiralniu kaviarni «Varka» ŭ Minsku. Uraziła artysta toje, što na ścianie znachodziłasia vialikaja čyrvonaja knopka, a pobač ź joj byŭ nadpis: «Naciśni mianie».
— Vy b nacisnuli? Sumnieŭna niejak hučyć. I ŭ pryncypie ty zvyčajna nie naciskaješ na čyrvonyja knopki — tolki ŭ ekstrannych vypadkach. Raptam heta niejkaja padstava.
Ale Ivan usio ž ryzyknuŭ i nacisnuŭ. U toj ža momant śviatło ŭ prybiralni zhasła, uklučyłasia śvietłavaja muzyka i zahučała virusnaja pieśnia Pedro.
Takaja fiška kaviarni spadabałasia chłopcu. Razam sa svajoj siabroŭkaj Alonaj Toŭścik (finalistka šou BT «Faktar.baj») jon pajšoŭ damaŭlacca z kiraŭnictvam «Varki», kab u ich tualecie hrała «pravilnaja muzyka». Takoj artysty ścipła ličać svoj novy trek «Pačućci». Ciapier u tualecie kaviarni čyrvonaja knopka ŭklučaje mienavita hetuju pieśniu.
Astatnim naviedvalnikam «Varki» zastajecca tolki spadziavacca, što siudy adnojčy nie zaskočyć prydvorny kampazitar Jaŭhien Alejnik i nie zapatrabuje ŭklučać u prybiralni svaju tvorčaść. Naprykład, «Baćka u nas krutoj» ci pieśniu «Nado», jakoj Łukašenku letaś zaachvočvali iści na vybary.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3737
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary