Historyja aryštu mazyrskaj błohierki, jakaja niekalki hadoŭ chavałasia ad siłavikoŭ, akazałasia dramatyčnaj
Chłopcu Paliny Zyl spatrebiłasia miedycynskaja dapamoha paśla aryštu jaho baćki.
Siłaviki aryštavali mazyrskuju aktyvistku i błohierku Palinu Zyl. Jak stała viadoma «Našaj Nivie», dziaŭčynie vystavili abvinavačvańni va ŭdziele ŭ pratestach i datyčnaści da «ekstremisckaha farmiravańnia». Jana čakaje suda ŭ SIZA.
Razam ź joj byŭ aryštavany jaje chłopiec Maksim Šukanaŭ. Infarmacyi pra jaho vyzvaleńnie nie było, chutčej za ŭsio, jon taksama ŭ SIZA.
Palinie 31 hod. Jana rodam ź Jelska, vučyłasia ŭ Mazyry. U 2020-m dziaŭčyna padtrymała pratesty, navat trapiła na sutki. Paśla Palina adyšła ŭ cień, ale zastavałasia ŭ krainie.
I Zyl, i Šukanaŭ trapili ŭ vyšuk, ale nie chacieli vyjazdžać ź Biełarusi.
Niekalki hadoŭ jany paśpiachova chavalisia, paźbiahajučy kantaktaŭ ź biełaruskimi dziaržaŭnymi orhanami, adnak urešcie pary ŭsio ž daviałosia źviarnucca da miedykaŭ.
Paśla taho, jak byŭ aryštavany baćka Maksima, rabotnik Mazyrskaha NPZ Ihar Šukanaŭ, u chłopca ŭzmacnilisia prablemy sa zdaroŭjem.
Čytajcie taksama: Rabotnika Mazyrskaha NPZ, jakoha žorstka zatrymlivaŭ minski HUBAZIK, sudziać pa dźviuch kryminałkach
Niezrazumieła, ci Maksima i Palinu zafiksavali kamiery ŭ hramadskich miescach, ci siłavikam trapiła infarmacyja pra ich zvarot da miedykaŭ. U vyniku paru zatrymali na vakzale ŭ Minsku.
«Naša Niva» — bastyjon biełaruščyny
PADTRYMAĆRedki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary