BAFTA-2025: «Kankłaŭ» — najlepšy film, pryz za režysuru atrymaŭ Bredzi Korbet za «Brutalista», Majki Miedysan — za «Anoru»
U Łondanie ŭ niadzielu adbyłosia ŭručeńnie ŭznaharod Brytanskaj akademii kino i televizijnych mastactvaŭ (BAFTA). Cyrymonija prajšła ŭ Karaleŭskim fiestyvalnym chole, piša Bi-bi-si.
Hałoŭnuju ŭznaharodu Brytanskaj akademii kino i televizijnych mastactvaŭ (BAFTA) — pryz za najlepšy film — atrymaŭ «Kankłaŭ» — tryler pra vybary Papy Rymskaha.
Na pieramohu ŭ katehoryi «Najlepšy film» pretendavali, akramia «Kankłava», «Anora», «Brutalist», «Nieviadomy nieznajomiec» i «Emilija Pieres».
Pryz za režysuru dastaŭsia Bredzi Korbetu za «Brutalista» — trochhadzinnuju epičnuju dramu pra architektara, jaki pieražyŭ Chałakost. Siarod inšych naminantaŭ u hetaj katehoryi byli Šon Bejkier («Anora»), Edvard Bierhier («Kankłaŭ»), Deni Vilnioŭ («Dziuna: Častka druhaja»), Žak Adyjar («Emilija Pieres») i Karali Farža («Substancyja»).
Najlepšaj aktrysaj była pryznana amierykanskaja aktrysa Majki Medysan za rolu ŭ filmie «Anora», jaki raskazvaje historyju ruskamoŭnaj stryptyzierki.
Najlepšym akcioram staŭ Edryjan Broŭdzi, jaki vykanaŭ hałoŭnuju rolu ŭ filmie «Brutalist» pra vydumanaha vienhierskaha architektara Łasła Tota, jaki źbieh ad Chałakostu ŭ ZŠA.
Premiju BAFTA časta nazyvajuć repietycyjaj «Oskara» — imiony pieramožcaŭ BAFTA u mnohim pradkazvajuć vyniki hałasavańnia kinaakademikaŭ. Uručeńnie «Oskaraŭ» sioleta adbudziecca 2 sakavika.
Rasijski akcior Jura Barysaŭ, jaki byŭ naminavany za rolu druhoha płana ŭ filmie «Anora», zastaŭsia biez uznaharody — jaje atrymaŭ Kiran Kałkin («Sapraŭdny bol»). Jon ža abyšoŭ Barysava i na ŭručeńni «Załatych hłobusaŭ».
Najlepšym nieanhłamoŭnym filmam pryznany kryminalna-kamiedyjny miuzikł režysiora Žaka Adyjara «Emilija Pieres».
Karotkamietražny film brytanskaha režysiora Franca Bema «Kamień, nažnicy, papiera» pra pačatak poŭnamaštabnaj vajny Rasii suprać Ukrainy z ukrainskim akcioram Alaksandram Rudzinskim u hałoŭnaj roli atrymaŭ uznaharodu ŭ naminacyi «Najlepšy brytanski karotkamietražny film».
Najlepšym dziciačym i siamiejnym filmam staŭ «Uoles i Hromit».
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary
druhi raz zapar Edvard Bierhier vydaŭ šedeŭr