Paźniak pra 1990-ja: «Nichto nie zrabiŭ bolšaj škody dla nacyjanalnych intaresaŭ Biełarusi, čym heta istota». Pra kaho jon?
«Bolš podłych učynkaŭ nie znachodžu ni ŭ kim», — pierakanany palityk.
Zianon Paźniak vyznačyŭsia z tym, chto zrabiŭ bolš za ŭsio škody nacyjanalnym intaresam Biełarusi ŭ 1990-ja. Na jaho dumku, heta demakratyčny staršynia Viarchoŭnaha savieta Stanisłaŭ Šuškievič.
Jon pryjšoŭ u kamientary ŭ fejsbuku da svajho paplečnika Siarhieja Navumčyka, jaki pryśviaciŭ častku svajho dopisu pra Mikałaja Chalezina asobie Šuškieviča:
«Kali nam niešta možna pastavić u vinu, dyk tolki adno: my niedaacanili stupień nizaści Šuškieviča, jaki ŭ 1992 puściŭ pad adchon refierendum ab daterminovych parłamienckich vybarach (my mieli b inšuju ŭładu, i siońnia — inšuju krainu). My prosta nie čakali ad jaho takoha vierałomstva — a pavinny byli b čakać, bo ŭ palitycy treba ŭličvać samaje słaboje źviano i mahčymaść zdrady. Nahadaju, što ŭ apošni dzień 1993 Šuškievič, niahledziačy na supraciŭ Apazicyi BNF, padpisaŭ Damovu ab dałučeńni Biełarusi da sistemy Kalektyŭnaj biaśpieki SND — čym vyšturchnuŭ Biełaruś u arbitu vajskovych intaresaŭ Maskvy. Nie Łukašenka, a Šuškievič zrabiŭ pieršy krok u hetym kirunku. Ale skažu i nastupnaje: paśla 1992 hoda patrabavać ad siabroŭ BNF hałasavać za Šuškieviča — usio roŭna, što siońnia ad taho ž Mikałaja Chalezina patrabavać hałasavać za, naprykład, Cierciela ci Kačanavu».
Paźniak salidaryzavaŭsia z Navumčykam:
«Pravilna, što paŭtaraješ pra Šuškieviča. Pra jaho treba nahadvać časta. Nichto nie zrabiŭ tady bolšaj škody nacyjanalnym intaresam Biełarusi, jak hety bałaboł na viečnym kručku ŭ KHB. Kali ciapier uspaminaju ŭsich z taho času, to bolš podłych učynkaŭ dla nacyi, čym zrabiła hetaja istota, nie znachodžu ni ŭ kim».
Stanisłaŭ Šuškievič byŭ staršynioj Viarchoŭnaha savieta Biełarusi ŭ 1991-1994. Pamior u 2022 hodzie.
Paźniak vitaje mahčymuju ździełku «vyzvaleńnie palitviaźniaŭ» u abmien na sankcyi
Paźniak: Vyzvaleńnie Paliny Šarendy-Panasiuk — heta hučnaje śviedčańnie ab hatoŭnaści da pieramovaŭ ź Jeŭrasajuzam
«Hłabalna niama roźnicy pamiž mnoj, Paźniakom i Cichanoŭskaj». Čym siońnia žyvie dysident Viačasłaŭ Siŭčyk — vialikaja hutarka
U Paźniaka zajavili, što na ichniaj akcyi ŭ Varšavie było 55 čałaviek
Ciapier čytajuć
Jaki Cichanoŭski bolš padabajecca Śviatłanie — Siarhiej-2020 ci Siarhiej-2025?2
Kamientary