Zialenski nahadaŭ pra letašniuju rakietnuju ataku Irana na Izrail, u adbićci jakoj udzielničali ZŠA, Francyja, Vialikabrytanija i šerah inšych dziaržaŭ, uklučajučy Iardaniju.
Prezident Ukrainy Uładzimir Zialenski ŭ intervju NBC zajaviŭ, što jahonaj krainie patrebnyja harantyi biaśpieki, padobnyja da tych, što sajuźniki dali Izrailu.
Zialenski nahadaŭ pra letašniuju rakietnuju ataku Irana na Izrail, u adbićci jakoj udzielničali ZŠA, Francyja, Vialikabrytanija i šerah inšych dziaržaŭ, uklučajučy Iardaniju.
«Izrail nie člen NATA. Vydatna, što hetyja krainy źniščyli iranskija rakiety. Heta aznačaje, što ŭ ich [Izraila] jość harantyi biaśpieki. Kankretnyja harantyi biaśpieki ad ZŠA, Francyi, Vialikabrytanii i inšych sajuźnikaŭ. Ja dumaju, my ŭ hetym vielmi majem patrebu», — skazaŭ ukrainski prezident.
Siarod inšych harantyj Zialenski pieraličyŭ «mahutny pakiet» uzbrajeńniaŭ — rakiety, jakija raźmiaścili b na terytoryi Ukrainy ŭ jakaści previentyŭnaha kroku, i šmatlikuju armiju, supastaŭnuju z rasijskaj, kali Kijeŭ nie ŭstupić u Paŭnočnaatłantyčny aljans.
Z 1 śniežnia 2024-ha štatnaja kolkaść Uzbrojenych sił Rasii pavialičyłasia da 2,39 młn čałaviek, uklučajučy 1,5 młn vajskoŭcaŭ. Zialenski aceńvaŭ kolkaść ukrainskaj armii ŭ 880 tys. sałdat i aficeraŭ.
Kamientary