Pasłańnik prezidenta ZŠA Donalda Trampa pa Ukrainie Kit Kiełah zajaviŭ u paniadziełak, što nichto nie budzie naviazvać Kijevu mirnaje pahadnieńnie i što pytańni pra toje, ci daść Vašynhton harantyi dla lubych budučych jeŭrapiejskich miratvorcaŭ, buduć razhledžanyja paźniej, piša «Hołas Amieryki».
U aŭtorak vysokapastaŭlenyja amierykanskija čynoŭniki, u tym liku dziaržsakratar Marka Rubia, pavinny sustrecca ź ministram zamiežnych spraŭ Rasii Siarhiejem Łaŭrovym dla pieramoŭ, pryśviečanych spynieńniu vajny va Ukrainie i adnosinam pamiž Rasijaj i ZŠA.
Kit Kiełah u hetych pieramovach udzielničać nie budzie. Zamiest hetaha jon na hetym tydni naviedaje prezidenta Ukrainy Uładzimira Zialenskaha ŭ Kijevie. Kiełah paviedamiŭ žurnalistam u štab-kvatery NATA ŭ Bruseli, što nichto nie budzie naviazvać damovu «abranamu lidaru suvierennaj nacyi».
Jon taksama paćvierdziŭ, što viadzie pieramovy ź jeŭrapiejskimi sajuźnikami, jakija nastojvajuć na ŭdziele ŭ pieramovach, ale, pavodle jaho mierkavańnia, udzieł usich bakoŭ niemahčymy.
Vašynhton nakiravaŭ u jeŭrapiejskija stalicy zapyty adnosna taho, jakuju dapamohu jany mohuć akazać u zabieśpiačeńni harantyj biaśpieki Ukrainy. Lidary Francyi, Vialikabrytanii, Hiermanii, Danii, Polščy, Italii, Ispanii i Niderłandaŭ, a taksama vysokija pradstaŭniki NATA i ES praviali ekstrannuju naradu ŭ Paryžy ŭ paniadziełak.
Vialikabrytanija, Šviecyja i Hiermanija zajavili, što hatovyja nakiravać miratvorcaŭ va Ukrainu pry ŭmovie najaŭnaści vyraznaha i prymalnaha mandata. Šmatlikija čynoŭniki padkreślivali, što jany razhledziać mahčymaść adpraŭki vojskaŭ va Ukrainu tolki ŭ tym vypadku, kali ZŠA daduć harantyi biaśpieki.
Adkazvajučy na pytańnie, ci pojduć ZŠA na heta, Kiełah zajaviŭ, što palityka prezidenta Trampa zaŭsiody była takoj, što «ničoha nielha vyklučać».
«Pierš čym buduć zavieršanyja jakija-niebudź abmierkavańni i (dadzienyja) harantyi biaśpieki, usio heta, biezumoŭna, budzie abmiarkoŭvacca, — skazaŭ jon. — Adkazy na hetyja pytańni buduć vyznačanyja pa miery taho, jak pačniecca kančatkovy praces».
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary