16 sakavika Vyšejšy haspadarčy sud pakinuŭ u sile rašeńnie Hrodzienskaha abłasnoha haspadarčaha suda, jaki aštrafavaŭ TAA «Pałonika», paviedamiŭ advakat Ihar Sazanovič. Hetaje tavarystva ŭznačalvaje lider nieaficyjnaha Sajuza palakaŭ na Biełarusi Anžalika Borys.
U VHS było abskardžana rašeńnie Hrodzienskaha abłasnoha haspadarčaha suda, jaki 8 lutaha aštrafavaŭ «Pałoniku» za praviadzieńnie kulturnych mierapryjemstvaŭ biez dazvołu na 3,5 młn. rubloŭ z kanfiskacyjaj bolš jak 40,4 młn. rubloŭ, atrymanych u vyniku haspadarčaj dziejnaści.
Pavodle słoŭ Sazanoviča, kiraŭnictva nieaficyjnaha SPB maje namier abskardzić rašeńnie VHS ad 16 sakavika staršyni Vyšejšaha haspadarčaha suda ŭ paradku nadhladu.
Varta zaznačyć, što 5 lutaha sudździa Leninskaha rajonnaha suda Hrodna Natalla Kozieł
aštrafavała «Pałoniku» amal na 72 młn. rubloŭ, a Borys — na 4,2 młn. rubloŭ.
Jak paviedamiła Anžalika Borys, hetaje rašeńnie taksama abskardžana ŭ Hrodzienskim abłasnym sudzie.
Paśla raskołu Sajuza palakaŭ u 2005 hodzie prychilniki Borys stali vykarystoŭvać adzin z subjektaŭ haspadarańnia ŭ Hrodnie dla ažyćciaŭleńnia statutnych zadač abjadnańnia, u tym liku pa navučańni polskaj movie, arhanizacyi kancertaŭ, arendzie pamiaškańniaŭ i ŭtrymańni šerahu Damoŭ polskich. U 2008 hodzie funkcyi hetaha pradpryjemstva pierajšli da »Pałoniki». Srodki, atrymanyja «Pałonikaj» ad polskaha abjadnańnia Wspolnota Polska u miežach dvuchbakovaha dahavora, padatkovaja inśpiekcyja Hrodna paličyła humanitarnaj dapamohaj i svaje zaklučeńni nakiravała ŭ sud.
U kiraŭnictvie nieaficyjnaha SPB rašeńni sudoŭ ličać «supiarečlivymi, niezakonnymi, jakija patrabujuć admieny», bo srodki, atrymanyja «Pałonikaj» ad Wspolnota Polska, raniej abkładalisia padatkami i nie mohuć ličycca humanitarnaj dapamohaj. Na dumku lideraŭ hramadskaha abjadnańnia, sankcyi suprać »Pałoniki», jakaja lehalna dziejničaje ŭ miežach biełaruskaha zakanadaŭstva, pazbaviać niezarehistravany Sajuz palakaŭ na Biełarusi mahčymaści ažyćciaŭlać nie tolki hramadska‑palityčnuju, ale i haspadarčuju dziejnaść.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary