Unieśli źmieny ŭ Instrukcyju ab ažyćciaŭleńni apieracyj z bankaŭskimi płaciežnymi kartkami i płaciežnymi instrumientami, jakija zabiaśpiečvajuć ich vykarystańnie. Pastanova praŭleńnia Nacbanka apublikavanaja na Nacyjanalnym pravavym partale i ŭstupić u siłu z 22 maja, piša Office Life.
Jak patłumačyli ŭ pres-słužbie rehulatara, kankretyzavanyja pytańni kampramietacyi kartak, udakładnieny paradak błakavańnia i razbłakavańnia płaciežnych instrumientaŭ, u tym liku pa pryčynie kampramietacyi. Akramia taho, kankretyzavali pytańni, jakija tyčacca vypadkaŭ pryznańnia apieracyj z vykarystańniem kartak nieaŭtaryzavanymi.
Instrukcyja zamacoŭvaje, što banki abaviazanyja vypuskać u abaračeńnie kartki na fizičnych nośbitach tolki z čypam standartu EMV. Pryčym banki pavinny zabiaśpiečvać mahčymaść šmatfaktarnaj aŭtentyfikacyi pry apieracyjach u internecie.
Dla infarmavańnia klijenta ab praviedzienych z vykarystańniem kartki apieracyjach banki pavinny papiarednie atrymlivać zhodu na akazańnie takoj pasłuhi. Pry hetym pasłuha infarmavańnia moža akazvacca jak biaspłatna, tak i płatna.
U instrukcyi prapisana, što banki abaviazanyja paviedamlać klijentam pra abmiežavańni pieraliku, sum abo kolkaści apieracyj z vykarystańniem kartak, a taksama pra źmienu śpisu krain i rehijonaŭ, u jakich uviedzienyja abmiežavańni pa kartkach. Ciapier takoje infarmavańnie banki robiać na dobraachvotnaj asnovie.
Jašče adna źmiena — da zaklučeńnia damovy bank pavinien budzie prainfarmavać klijenta pra kryminalnuju adkaznaść za raspaŭsiudžvańnie rekvizitaŭ kartak abo aŭtentyfikacyjnych danych, pa jakich mahčymaje atrymańnie dostupu da rachunkaŭ. Rehulatar ličyć, što heta daść mahčymaść pavysić viedańnie klijentaŭ, u tym liku niepaŭnaletnich, pra nastupstvy niepravamiernych dziejańniaŭ z kartkami.
Instrukcyju taksama dapoŭnili normaj, pa jakoj bank-emitent vyznačaje paradak dziejańniaŭ sa znojdzienymi kartkami, vypuščanymi hetym bankam. Pry vyznačeńni nazvanaha paradku dziejańniaŭ bank-emitent praduhledžvaje błakavańnie takich kartak pa svajoj inicyjatyvie jak skampramietavanych.
U Nacbanku dadali, što źmieny ŭličvajuć prapanovy hramadzian i bankaŭ i dapamohuć pavysić biaśpieku apieracyj pa kartach, a taksama palepšyć jakaść akazańnia płaciežnych pasłuh u cełym.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary