Zialenski: Ja hatovy pakinuć svaju pasadu, kali heta pryniasie mir Ukrainie
Prezident Ukrainy Uładzimir Zialenski zrabiŭ hetuju zajavu padčas pres-kanfierencyi na forumie «Ukraina. Hod 2025» u Kijevie.
«Ja hatovy pakinuć svaju pasadu, kali heta budzie aznačać mir dla Ukrainy. Abo abmianiać pasadu na NATA. Ja nie źbirajusia zastavacca va ŭładzie dziesiacihodździami», — zajaviŭ jon.
Prezident Ukrainy zajaviŭ, što chacieŭ by, kab prezident ZŠA Donald Tramp staŭ partnioram Ukrainy, a nie tolki pasrednikam pamiž Kijevam i Maskvoj.
«Ja vielmi chaču, kab heta było bolš, čym prosta pasrednictva… hetaha niedastatkova».
Zialenski taksama paćvierdziŭ, što ŭ abmierkavańni ździełki ZŠA pa karysnych vykapniach sapraŭdy fihuruje suma ŭ 500 młrd dołaraŭ, ale zajaŭviŭ, što nie budzie pryznavać finansavyja patrabavańni, vysunutyja Donaldam Trampam. Pa jaho słovach, jon nie padpiša papiery, pa jakich pryjdziecca płacić dziesiaci pakaleńniam ukraincaŭ.
«Ja nie źbirajusia pryznavać 500 miljardaŭ dołaraŭ dapamohi ad ZŠA. Padabajecca heta kamuści ci nie. Ja nie pryznaju navat 100 miljardaŭ — my damovilisia z prezidentam Bajdenam, što heta hrant! Hrant — heta nie abaviazacielstva. My nie budziem viartać hranty… Ja nie padpisvaju toje, što buduć vypłačvać dziesiać pakaleńniaŭ ukraincaŭ», — zajaviŭ Zialenski.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki7
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary