Jeŭrapiejski Sajuz prypyniŭ niekatoryja siektaralnyja sankcyi suprać Siryi. U pastanovie Rady ES skazana, što heta zroblena dla paskareńnia adnaŭleńnia ekanomiki krainy i padtrymki palityčnych reformaŭ paśla padzieńnia režymu Bašara Asada.
U pryvatnaści, budzie spyniena dziejańnie abmiežavalnych mier suprać enierhietyčnaha i transpartnaha siektaraŭ krainy, a taksama niekalkich bankaŭ i avijakampanii Syrian Arab Airlines (srodki hetych kampanij raniej byli zamarožanyja).
Pry hetym šerah sankcyj zachoŭvajucca — -u tym liku abmiežavalnyja miery, źviazanyja z vytvorčaściu chimičnaj zbroi, handlem zbrojaj i tavarami padvojnaha pryznačeńnia. Pad zabaronaj taksama zastajecca prahramnaje zabieśpiačeńnie dla sačeńnia.
U pačatku studzienia ZŠA taksama źniali šerah sankcyj u dačynieńni da Siryi, kab zrabić mahčymymi pastaŭki humanitarnaj dapamohi ŭ krainu.
Sankcyi ES i ZŠA byli ŭviedzienyja ŭ časy režymu Bašara Asada, suprać jakoha vyłučalisia abvinavačvańni ŭ masavych zabojstvach palityčnych apanientaŭ i inšych hrubych parušeńniach pravoŭ čałavieka.
Novyja ŭłady Siryi na čale z byłym lidaram paŭstancaŭ Achmiedam Al-Šaraa abiacajuć pabudavać dziaržavu, dzie buduć zabiapiečanyja pravy ŭsich hrup, u tym liku relihijnych mienšaściaŭ i žančyn.
ES adznačyŭ, što budzie sačyć za situacyjaj u krainie, kab harantavać, što prypynieńnie sankcyj sapraŭdy darečnaje. Kaja Kałas, hałoŭnaja dypłamatka ES, padkreśliła, što «kali ŭsio pojdzie nie tak, jak treba, to my taksama hatovyja viarnuć sankcyi nazad».
Syn Asada raskazaŭ pra padziei napiaredadni ŭciokaŭ jaho baćki ź Siryi
U Siryi kałonu rasijskich vajskoŭcaŭ nie puścili na bazu ŭ Tartusie
Zamiest Rasii vajskovyja bazy ŭ Siryi moža raźmiaścić Turcyja
Lidar hrupoŭki CHTŠ Achmied al-Šaraa abvieščany časovym prezidentam Siryi
Novyja ŭłady Siryi pahadzilisia adnavić adnosiny z Rasijaj. Ale tolki paśla pryznańnia pamyłak i vypłaty kampiensacyi
Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia38
Kamientary