U Minsku pradajucca dźvie samyja małyja kvatery. Ale roźnica ŭ canie — 17 tysiač dalaraŭ
Adna kvatera znachodzicca ŭ Masiukoŭščynie, druhaja — u Novaj Baravoj, piša Blizko.by.
U minskaj Masiukoŭščynie pradajecca kvatera ŭ domie, pabudavanym u 1970 hodzie, pryčym tam byŭ kapramont. Jaje płošča — 21,4 kv.m, žyłaja — 11,7 kv.m, kuchnia — 5,3 kv.m. Bałkona niama, sanvuzieł sumieščany.
Na žal, fatahrafij interjeru niama, jość tolki płan z techpašparta, jaki pakazvaje, što ŭ kvatery majecca jašče i ŭbudavanaja šafa płoščaj 0,3 kv.m.
Kvatera pradajecca za 40.500 dalaraŭ, što składaje 1.893 dalary za kvadratny mietr.
Krychu niezvyčajnaja kvatera pradajecca ŭ Novaj Baravoj. Administracyjna heta nie Minsk, a vioska Kopišča, ale zabudova ščylna prymykaje da stalicy.
Kvatera paznačana jak «druhasnaje žyllo z ramontam», pry tym, što zaviaršeńnie ŭźviadzieńnia doma zapłanavana tolki na 2026 hod (bieź nijakich harantyj).
Heta druhi pavierch 8-paviarchovaha panelnaha doma. Ahulnaja płošča — 19,6 kv.m, žyłaja płošča — 15,7 kv.m, bałkon
Kuchnia tut abjadnanaja z žyłoj zonaj. Kvatery jašče niama, ale jość eskizny płan budučaha ramontu (taksama bieź nijakich harantyj, što ŭsio budzie mienavita tak).
Cana — 57.462 dalary, što składaje 2.932 dalary za kv.m.
Kamientary