25 lutaha pravaabaroncy pryznali palitviaźniami jašče 14 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 1224 čałavieki.
U śpis palitźniavolenych byli dadadzienyja nastupnyja proźviščy:
Viktar Saŭčyc, Alaksiej Horyn, Siarhiej Kaburniejeŭ, Alaksandr Siezień, Juryj Załatuchin, Leanid Cierabiej, Anatol Krupin, Viktar Varabjoŭ, Alaksandr Javorski, Siarhiej Cierachovič, Karyna Malinoŭskaja, Juryj Kutuzaŭ, Uładzimir Machnač, Alena Badziaka.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1224 čałavieki. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Za studzień pa palityčnych kryminałkach asudzili minimum 89 čałaviek. Ale heta najmienšy vynik za apošni čas
«Režym pavinien vyzvalić usich palitviaźniaŭ i spynić ich pieraśled». APK zrabiŭ zajavu pa sankcyjach i vyzvaleńni palitviaźniaŭ
«Ja nie dumała, što heta budzie nastolki doraha». Kolki hrošaj vydatkoŭvajuć blizkija palitviaźniaŭ na ich padtrymku ŭ SIZA i turmie?
Kamientary