23 žniŭnia
Kala Centralnaha RUUS u Miensku zatrymali moładzievych aktyvistaŭ Juliju Haračku, Jaŭhieniju Jokšu, Liliju Michajłavu, Liliju Davydoŭskuju, Michaiła Subača, Uładzimiera Łukšu iViktara Dzienisoviča: jany razdavali milicyjantam ulotki z zaklikam bierahčy honar mundzira. Haračku asudzili na 4 sutak aryštu, Michajłavaj, Jokšy, Dzienisieviču i Łukšy prysudzili štraf 20 bazavych vieličyniaŭ (620 tys. rub.), Davidoŭskaj – 29.
U viciebskim sudzie apraŭdali aktyvista PBNF Kastusia Smolikava: jaho vinavacili ŭ dastaŭcy j raspaŭsiudzie nielehalnaj drukavanaj pradukcyi. Adnak sud uličyŭ, što aktyvist navat nie trymaŭ u rukach pakunak, jaki zahadzia paśpieli kanfiskavać milicyjanty.
U Miensku padčas raspaŭsiudu zaprašalnikaŭ na dazvoleny kancert «Pieśni Svabody» zatrymanyja Vital Stažaraŭ, Iryna Ancileŭskaja z 7-hadovaj dačkoj, a taksama try 16-hadovyja školnicy.
PalitviaźniuMikałaju Statkieviču padkinuli ŭ aŭtamabil špryc z reštkami biaskolernaj vadkaści j mocnym pacham.
24 žniŭnia
Na miažy praviali nadhlad aŭtamabila i asabistych rečaŭ kiraŭnika AHP Anatola Labiedźki j kiraŭnika PKB Siarhieja Kalakina, kali palityki jechali ŭ Vilniu.
U Vialejcy zatrymali moładzievaha aktyvista Jurasia Pałonskaha: milicyjanty zajavili, što ŭ jaho moža być vybuchovaje prystasavańnie. Pratakoł na chłopca nie składali.
Siarhieja Panamarova ŭ Klecku vyklikali ŭ pašpartny stoł: milicejskaje kiraŭnictva cikaviłasia ŭ jaho planami apazycyi dy pryčynami taho, čamu jon padaŭ zajaŭku na mitynh.
25 žniŭnia
U Miensku pierad kancertam «Pieśni Svabody» milicyjanty papiaredzili V.Stažarava, Alaksandra Sprahoŭskaha i Jaŭhiena Navinskaha, jakija išli ź ściahami AHP.
Aktyvista BSDP(H) Aleha Vołčaka 2 hadziny trymali na miažy pry ŭjeździe ŭ Biełaruś: pamiežniki railisia ź Mienskam.
U ofis pratestanckaj carkvy «Novaje žyćcio» pryjšli pastanovy apelacyjnaj kamisii haspadarčaha sudu Miensku z dvuch pasiedžańniaŭ, chacia pradstaŭnikam supołki paviedamili zahadzia tolki pra adno ź ich.
27 žniŭnia
Padčas moładzievaha futbolnaha turniru «Za svabodu i niezaležnaść» milicyjant zatrymaŭ Illu Bohdana i Volhu Hudkovu, jakaja fatahrafavała zatrymańnie. Taksama zabraŭ raściažku z nazvaj turniru. Była sproba ŭvohule sarvać turnir: damova na arendu stadyjonu była raptoŭna skasavanaja.
U Salihorsku na Dzień horadu milicyjanty sarvali nacyjanalny ściah z haŭbca pryvatnaj kvatery nad centralnaj płoščaj. Moładzievaha aktyvista Andreja Tyčynu zatrymali dvojčy: udzień jon uźniaŭ bieł-čyrvona-bieły ściah nad płoščaj, uviečary – padčas vyviešvańnia transparantu «My pamiatajem».
28 žniŭnia
Na Ihara Kuleja (pasynka Alaksandra Milinkieviča i syna Iny Kulej) pačali kryminalnuju spravu: jaho vinavaciać va ŭchileńni ad vojska, chacia chłopiec užo čaćvierty hod vučycca va ŭniversytecie ŭ polskim Olštynie.
Na hazetu PKB «Tovariŝ» i prafsajuznaha aktyvista supołki taksoŭcaŭ Paŭła Paddubskaha padadzieny pazoŭ na 30 młn rub.: staršynia asacyjacyi «Staličnaje taksi» Ihar Vierchaviec paličyŭ abražanym svoj honar i hodnaść. U hazecie raspaviadałasia pra prablemy taksoŭcaŭ i adznačałasia, što asacyjacyja pazbaŭlajecca kankurentaŭ.
Za «minavańnie» ofisu PBNF u adździele milicyi Savieckaha rajonu raspačali kryminalnuju spravu pa fakcie chulihanstva.
U Drahičynie źbili aktyvista BNF Vasila Prakopčyka: jahonamu ziemlaku Alaksandru Białkovu nie spadabałasia, što toj raspaŭsiudžvaje ŭ horadzie niezaležnuju presu. Vyklikanyja milicyjanty zaśviedčyli, što napadnik pjany, ale zatrymlivać jaho admovilisia.
Kamientary