«Ja b chacieła siońnia zakazać dla ciabie kvietki». Volha Chižynkova padzialiłasia, jak ciažka pieražyvaje stratu maci
Viadomaja biełaruskaja madel napisała na svajoj staroncy ŭ instahramie, jak užo druhi hod ciažka pieražyvaje śmierć maci.
«Ja b chacieła siońnia zamović dla ciabie kvietki da 8 sakavika. Zabić bahažnik našymi lubimymi mindalnymi kruasanami, tort «Kazka» pad škłom zzadu i samy vialiki pačak tvaich lubimych rafaełak», — piša Chižynkova.
«Tak bolš nie budzie. Nikoli. Zamiest bukieta na 8 sakavika my druhi hod niasiem kvietki tudy, dzie ŭ chałodnaj ziamli spačyvaje serca, jakoje nas lubiła. Tryvožyłasia pra nas. Čakała i maliłasia.
U toj dzień, kali daroha pryviadzie mianie dadomu, ja adrazu ž pryjedu da ciabie, maja rodnaja. Ja pasadžu dla ciabie kvietki. A potym budu palivać ich svaimi ślazami. Takimi bieskarysnymi zaraz».
Raniej madel i Mis Biełaruś nie kazała ab stracie maci.
U 2020 hodzie Chižynkovu aryštavali na 42 sutak praz udzieł u akcyjach pratestu, paśla čaho jana źjechała z krainy. Jana aktyŭna vykazvałasia suprać hvałtu siłavikoŭ u Biełarusi i suprać vajny va Ukrainie.
Kamientary