Turkmienistan hatovy ekspartavać pryrodny haz u jeŭrapiejskija krainy, zajaviŭ Hurbanhuły Bierdymuchamiedaŭ — były prezident krainy i ciapierašni staršynia Chałk Masłachaty (Narodnaj rady).
Hurbanhuły Bierdymuchamiedaŭ byŭ prezidentam Turkmienistana z 2006 pa 2022 hod, a potym pieradaŭ uładu synu Sierdaru. Nosić zvańnie Arkadah (Zastupnik)
U intervju telekanału Euronews, rasšyfroŭku jakoha apublikavała dziaržaŭnaje ahienctva «Załaty viek», jon padkreśliŭ stratehičnuju važnaść supracoŭnictva ź Jeŭropaj u śfiery enierharesursaŭ.
Bierdymuchamiedaŭ adznačyŭ, što jeŭrapiejski rynak źjaŭlajecca adnym z najbujniejšych u śviecie, a partniorstva Ašchabada ź ES pryniasie vyhadu abodvum bakam.
Pavodle jaho słoŭ, Turkmienistan adkryty da aktyŭnaha ŭzajemadziejańnia ź jeŭrapiejskimi partniorami pa pytańniach pastavak hazu.
Adnym z mahčymych varyjantaŭ ekspartu jon nazvaŭ Transkaśpijski maršrut.
Kamientary