Niadaŭna paviedamlałasia, što ŭ Minsku zakančvajucca aŭtamabilnyja numary z kodam rehijona — 7. Tamu ŭ dalejšym staličnym aŭtamabilistam buduć vydavać numary z vaśmiorkaj.
Ciapier stała viadoma, kali heta zdarycca.
«Płanujem u najbližejšy miesiac ažyćciaŭlać vydaču rehistracyjnych znakaŭ z vośmym rehijonam. Rehistracyjnyja znaki z vośmym rehijonam sieryi «AA» ŭ kolkaści paradku 10 tysiač užo vyrableny i hatovyja da vydačy. Tamu pierabojaŭ jakich-niebudź z rehistracyjaj transpartu nie pradbačycca», — skazaŭ načalnik staličnaj DAI Siarhiej Babič u efiry ANT.
Pavodle padlikaŭ DAI, kolkaść numaroŭ z kodam 8 skončycca nie raniej, čym hadoŭ praz 15.
U Biełarusi kožnamu rehijonu prysvojeny paradkavy aŭtamabilny kod: Bresckaj vobłaści — 1, Viciebskaj — 2, Homielskaj — 3, Hrodzienskaj — 4, Minskaj — 5, Mahiloŭskaj — 6, Minsku — 7.
Kamientary