Jak moža vyhladać spynieńnie ahniu va Ukrainie? Ekśpierty apublikavali svoj płan
Hrupa ekśpiertaŭ Ženieŭskaha centra palityki biaśpieki apublikavała 31-staronkavy dakumient, z detalami taho, jak možna kantralavać i zabiaśpiečvać spynieńnie ahniu ŭzdoŭž linii rasijska-ŭkrainskaha frontu praciahłaściu bolš za 1200 kiłamietraŭ.
Pra jaho piša hazieta The New York Times.
Hety dakumient — adzin z najbolš padrabiaznych šabłonaŭ pahadnieńnia ab spynieńni ahniu va Ukrainie.
U im prapanoŭvałasia bufiernaja zona šyrynioj nie mienš za 10 km, jakaja padzialaje dźvie armii. Patrulavać jaje pavinny 5000 cyvilnych asob i palicejskich. U dakumiencie śćviardžajecca, što dla zabieśpiačeńnia biaśpieki hetych naziralnikaŭ moža spatrebicca kala 10 000 zamiežnych vajskoŭcaŭ.
Naziralniki buduć davać spravazdaču ab zachavańni režymu spynieńnia ahniu i pra toje, ci było adviedziena ciažkaje ŭzbrajeńnie na ŭzhodnienuju adlehłaść ad bufiernaj zony. Misija budzie dziejničać u adpaviednaści z mandatam Arhanizacyi Abjadnanych Nacyj abo inšaha mižnarodnaha orhana.
Tomas Hreminhier, dyrektar Ženieŭskaha centra palityki biaśpieki, raskazaŭ, što siarod ekśpiertaŭ, jakija raspracoŭvali dakumient, byli aficyjnyja asoby mižnarodnych arhanizacyj i byłyja vajennyja kamandziry z dośviedam miratvorčaj dziejnaści.
Asobna Hreminhier pravioŭ kanfidencyjnyja pieramovy pamiž ekśpiertami pa źniešniaj palitycy z Ukrainy, Rasii, Złučanych Štataŭ i Jeŭropy.
Jon skazaŭ, što pieršapačatkovaj metaj sustreč, jakija pačalisia ŭ 2022 hodzie, było «ŭstalavać kanał suviazi» z Maskvoj, i taksama abmiarkoŭvalisia scenary spynieńnia ahniu abo ŭrehulavańnia kanfliktu.
Ale zachavać režym spynieńnia ahniu ličać składanaj zadačaj. Adna z pryčyn — praciahłaść linii ŭzdoŭž akupavanych terytoryj. Jana ŭ piać razoŭ daŭžejšaja, čym demilitaryzavanaja zona pamiž Paŭnočnaj i Paŭdnevaj Karei. Druhaja pryčyna — roznaje ŭzbrajeńnie, dastupnaje Rasii i Ukrainie.
Ekśpierty taksama skieptyčna staviacca da hatoŭnaści Pucina pahadzicca na spynieńnie ahniu, nie kažučy ŭžo ab zachavańni jaho ŭmoŭ. Nijakaja manitorynhavaja misija nie zmahła b strymać Pucina, kali jon vyrašyć pačać novaje ŭvarvańnie va Ukrainu, piša vydańnie.
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu7
Kamientary
Chotia, fantazii mohut riealizovaťsia na usłovijach putina-trampa, jeśli smotrieť na to, čto tvorit tramp po otnošieniju k Ukrainie i kak silno uvažajet i lubit druha vovu.....