Antanina Kanavałava, vyzvalenaja pa pamiłavańni davieranaja asoba Cichanoŭskaj, vyjechała ź Biełarusi i narešcie sustrełasia ź dziećmi
Za kratami žančyna praviała čatyry z pałovaj hady.
Byłaja palitźniavolenaja Antanina Kanavałava padziakavała tym, chto padtrymlivaŭ jaje siamju, pakul jana była za kratami.
«My dačakalisia!!! Paśla 1555 dzion niavoli… My narešcie zmahli abniacca! Vielmi caniu, lublu kožnaha z vas, chto dapamahaŭ mnie i dzieciam vystajać, a časam i vyžyć. Ja pierad vami ŭ nieapłačanym abaviazku», — napisała maci Antaniny Hanna. Jana vykłała videa, jak dzieci narešcie sustrakajuć maci paśla kałonii i abdymajuć jaje.
Antanina Kanavałava vyjšła na volu daterminova, pa pamiłavańni, ukaz ab jakim Łukašenka padpisaŭ 9 śniežnia.
Na vybarach 2020 hoda jana była davieranaj asobaj Śviatłany Cichanoŭskaj. Žančynu zatrymanaja 6 vieraśnia 2020 hoda i asudzili ŭ administracyjnym paradku na 40 bazavych vieličyń štrafa za ŭdzieł u niesankcyjanavym mierapryjemstvie. Adnak paśla sudu nie adpuścili, a pierazatrymali ŭ miežach kryminalnaj spravy, źviazanaj ź dziejnaściu telehram-kanała «Armija z narodam».
U pačatku kastryčnika 2020 hoda pa spravie ab udziele ŭ hrupavych dziejańniach, što hruba parušajuć hramadski paradak, byŭ zatrymany i muž Antaniny Siarhiej Jaraševič. Paśla muža i žonku sudzili razam.
7 maja 2021 hoda ŭ Minskim abłasnym sudzie byli vyniesienyja prysudy fihurantam spravy pa tielehram-kanale «Armija z narodam».
Antanina Kanavałava była pa joj asudžanaja da piaci z pałovaj hadoŭ pazbaŭleńnia voli ŭ kałonii ahulnaha režymu. Paśla jaje ŭklučyli ŭ śpisy asob, datyčnych da «ekstremisckaj» i «terarystyčnaj» dziejnaści.
U źniavoleńni Antanina atrymała invalidnaść 3-j hrupy pa zroku.
Jaje muž Siarhiej Jaraševič byŭ asudžany spačatku taksama da 5,5 hoda źniavoleńnia, ale paśla jamu na novym sudzie dadali da hetaha terminu jašče 9 miesiacaŭ. Pakul jon zastajecca za kratami.
U Antaniny Kanavałavaj i Siarhieja Jaraševiča dvoje dziaciej: Naści ciapier vosiem hadoŭ, a Vaniu — dziesiać. Uvieś čas źniavoleńnia baćkoŭ dziećmi apiakujecca mama Antaniny Kanavałavaj Hanna, jana žyła z unukami ŭ Polščy.
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch8
Kamientary