Novaja prapanova ad litoŭskich kansiervataraŭ moža vyhnać ź Litvy biełaruskich ajcišnikaŭ

Litoŭskija parłamientaryi prapanujuć unieści źmieny ŭ zakon ab uviadzieńni abmiežavalnych mier u dačynieńni da hramadzian Rasii i Biełarusi, jaki byŭ pryniaty ŭ suviazi z vajnoj Rasii suprać Ukrainy. Aŭtary inicyjatyvy — kansiervatary Łaŭrynas Kaščunas, Aŭdronius Ažubalis i Vałdas Rakucis.

Parłamientaryi zarehistravali prapanovu, dzie siarod inšaha idzie razmova pra anulavańnie ŭžo vydadzienych DNŽ, kali hramadzianie Biełarusi i Rasii na praciahu troch kalandarnych miesiacaŭ bolš za adzin raz jeździli na radzimu. 

Litoŭskija ŚMI paviedamlajuć, što, pa słovach aŭtaraŭ inicyjatyvy, kolkaść biełarusaŭ, jakija atrymali DNŽ u Litvie, rezka ŭzrasła za apošnija hady i ciapier składaje kala 62 tysiač čałaviek.

Pavialičyć

Adnak, ličby, na jakija spasyłajucca inicyjatary ŭzmacnieńnia abmiežavańniaŭ dla biełarusaŭ, nieaktualnyja.

Sapraŭdy, paśla pratestaŭ 2020 hoda i pačatku poŭnamaštabnaj vajny va Ukrainie ŭ Litvie istotna vyrasła kolkaść biełarusaŭ. Na piku litoŭski dazvoł na žycharstva (lubych typaŭ) mieli 62 844 hramadzianiny Biełarusi — tak było pa stanie na 1 krasavika 2024 hoda. Ale paźniej kolkaść biełarusaŭ ź dziejnymi DNŽ u Litvie pačała skaračacca.

Pavialičyć

Užo pa stanie na 1 studzienia 2025 hoda takich zastałosia 57 511 čałaviek. A zhodna z apošnimi aficyjnymi źviestkami (na 1 sakavika 2025-ha) — 54 181 čałaviek.

Pavialičyć

Takim čynam, za apošnija 11 miesiacaŭ kolkaść hramadzian Biełarusi ź litoŭskim DNŽ skaraciłasia na 8 633 čałavieki, abo amal na 14%. 

Inicyjatary novych abmiežavańniaŭ ličać, što prypynieńnie pryjomu zajavak na DNŽ ad biełarusaŭ i anulavańnia ŭžo vydadzienych dakumientaŭ nieabchodnyja dla abarony nacyjanalnaj biaśpieki Litvy. 

Vyklučeńni prapanujuć zrabić dla kiroŭcaŭ hruzavikoŭ, jakija pracujuć u kampanijach mižnarodnych pieravozak, asob, jakija ažyćciaŭlajuć tranzitnyja pajezdki praz hetyja krainy i jakija vandrujuć pa abjektyŭnych pryčynach, jakija ad ich nie zaležać.

Pavodle minułahodnich źviestak, 24 400 biełarusaŭ pracavali ŭ Litvie ŭ jakaści kiroŭcaŭ-mižnarodnikaŭ. 

Prapanavanyja miery nie zakranuć ludziej, jakija znajšli ŭ Litvie prytułak ad represij. Ludzi, jakija majuć humanitarnyja dazvoły na žycharstva, i tak u Biełaruś nie jeździać. 

Takim čynam, pad udaram mohuć apynucca najpierš biełaruskija ajcišniki, jakija žyvuć u Litvie pa blue card i mohuć sabie dazvolić jeździć u Biełaruś. 

Pry hetym u tym liku praź mihracyjnuju palityku Litvy kolkaść vysokakvalifikavanych supracoŭnikaŭ ź Biełarusi tam pamienšała. Letaś štat biełaruskich IT-kampanij u Litvie skaraciŭsia na 10%.

• 7
• 1
• 3
• 25
• 0
• 1
• 1
• 0