U Sarataŭskaj vobłaści nočču adbyłasia samaja masiravanaja ataka BPŁA za ŭsiu vajnu
Hubiernatar Raman Busarhin abviaściŭ evakuacyju žycharoŭ mikrarajona kala vajskovaha aeradroma.
Unačy adbyŭsia nalot ukrainskich bieśpiłotnikaŭ na Enhiels i vakolicy. Paškodžana bolš za 30 pryvatnych damoŭ u sadovych tavarystvach.
Taksama byŭ paškodžany budynak Enhielskaj haradskoj balnicy. U vyniku ataki paciarpieła žančyna, joj akazvajecca miedycynskaja dapamoha. Akramia taho, padčas ataki BPŁA byŭ paškodžany budynak dziciačaha sanatoryja «Čajka», a taksama vybiła škło ŭ dvuch dziciačych sadach, škole i niekalkich šmatpaviarchovych damach.
«U metach biaśpieki z-za ŭzharańnia na terytoryi aeradroma pravodzicca evakuacyja ludziej, jakija pražyvajuć na terytoryi bližejšaj da abjekta», — napisaŭ hubiernatar Raman Busarhin. Taksama jon napisaŭ, što navučańnie školnikaŭ u Enhielsie siońnia budzie dystancyjnym.
Usiaho za noč nad Sarataŭskaj vobłaściu było źbita 54 drony. Heta samaja maštabnaja ataka na rehijon. Akramia taho, drony byli źbityja nad Varoniežskaj, Biełharodskaj, Rastoŭskaj, Kurskaj i Lipieckaj abłaściami, a taksama ŭ Krymie.
Pavodle danych Minabarony Rasii, za noč źniščany 132 bieśpiłotniki.
-
Brytanskaja raźviedka: U bajach za Kupiansk suadnosiny strat Rasii i Ukrainy skłali 27 da 1
-
Rasija naniesła čarhovy rakietny ŭdar pa Kijevie: častka horada zastałasia bieź śviatła i vady, tysiačy damoŭ — bieź ciapła
-
Pažyłaja žančyna ŭ bufiernaj zonie na Danbasie paprasiła chleba praz nadpis na śniezie
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio45
Kamientary