Rasijski paet i dramaturh pamior paśla taho, jak jaho adchilili ad praviadzieńnia cyrymonii adkryćcia fiestyvalu animacyi
Siońnia pamior rasijski paet, scenaryst, dramaturh i humaryst Vadzim Žuk, jamu było 78 hadoŭ.
«Tolki što ŭ Suzdali pamior Vadzim Žuk. Paet, scenaryst i dramaturh, vybitny vastrasłoŭ. Na praciahu mnohich hadoŭ Vadzim Siamionavič vioŭ cyrymonii adkryćcia i zakryćcia fiestyvalu animacyi. I rabiŭ heta bliskuča.
Ale ŭčora pa zahadzie źvierchu jaho zamianili. Jon siadzieŭ u hladzielnaj zale. Skazaŭ: «Nie ŭjaŭlaješ, jak mnie baluča hladzieć na hetu viesiałość», napisała ŭ fejsbuku Łarysa Malukova.
Vadzim Žuk naradziŭsia ŭ 1947 hodzie ŭ Leninhradzie. U 2000—2001 hadach razam ź Michaiłam Žvanieckim vioŭ prahramu «Prostyja rečy» na RTR. Pisaŭ kuplety da pieradač «Itoho» i «Płaŭleny syrok». Byŭ mastackim kiraŭnikom i viadučym fiestyvalu humaru i satyry «Załaty Astap», pastajannym viadučym i staršynioj žury fiestyvalu kapuśnikaŭ «Viasiołaja kaza». Taksama byŭ aŭtaram scenaroŭ da roznych multfilmaŭ i piesień da multfilma «Maša i miadźviedź».
Uvosień 2020 hoda napisaŭ list u padtrymku pratestaŭ u Biełarusi.
-
Pieramovy Rasii i ZŠA ŭ Er-Ryjadzie zaviaršylisia, pra vyniki paviedamiać zaŭtra
-
Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej
-
Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ
Kamientary