Kab nie trapić u SIZA, rasijski apazicyjny błohier pajšoŭ na vajnu. Dniami jaho pachavali ŭ zakrytaj trunie
Na froncie kolišni prychilnik Navalnaha Michaił Ałfieraŭ pierahledzieŭ svaju pazicyju. Jon spadziavaŭsia viarnucca na radzimu ŭ jakaści «hieroja SVA».
Apazicyjny błohier z rasijskaha Kiemierava Michaił Ałfieraŭ vioŭ jutub-kanały «Vorah śvinasabak» i «Kazačny Kuzbas». U 2022 hodzie na jaho zaviali kryminalnuju spravu za publikacyju rolika ŭ padtrymku Alaksieja Navalnaha. Paśla jašče dadalisia spravy za raspalvańnie varožaści ŭ adnosinach sudździ, paklop i prymianieńnie hvałtu ŭ adnosinach pradstaŭnika ŭłady.
Ałfierava trymali pad chatnim aryštam, ale mahli ŭ luby momant pieravieści ŭ SIZA. Pry hetym rasijskija siłaviki namiakali na mahčymuju kryminalnuju spravu za zhvałtavańnie i na budučyja prablemy praz homaseksualnaść błohiera.
U vyniku apazicyjny błohier vyrašyŭ padpisać kantrakt ź Ministerstvam abarony Rasii, kab nie trapić u SIZA. U krasaviku 2024 hoda Michaił Ałfieraŭ adpraviŭsia na front. Spačatku jaho pakinuli pry štabie, dzie jon zapisvaŭ prapahandysckija roliki. Jon navat pierakonvaŭ niekatorych siabroŭ pa apazicyjnaj dziejnaści taksama jechać na vajnu.
Kiemieraŭskaja apazicyjnaja žurnalistka prapanoŭvała Ałfieravu mahčymaść evakuacyi, ale toj admaŭlaŭsia i tłumačyŭ, što na vajnie adčuvaje siabie patrebnym i spadziajecca viarnucca na radzimu ŭ jakaści «hieroja SVA».
Urešcie błohiera pieraviali na pieradavuju. Pratrymaŭsia jon tam niadoŭha. Jak miarkujecca, Ałfieraŭ zahinuŭ 25 śniežnia 2024 hoda. Tydzień tamu jaho pachavali ŭ Kiemieravie ŭ zakrytaj trunie.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku34
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary
Chiba, što NN u zakładnikach u "chorošich russkich", tady dajcie niejak sihnał.