Pra budučyniu Vaładarki, dzie dva stahodździ była turma i SIZA, 24 sakavika na naradzie ŭ Minharvykankamie raspavioŭ dyrektar KUP «Minskaja spadčyna» Alaksandr Kochan, pišuć Minsk-naviny.
«Heta adziny zamak na terytoryi horada. U hetym hodzie jamu spaŭniajecca 200 hadoŭ. Zamak da taho ž z momantu pabudovy praktyčna nie źmianiŭsia, i naša zadača — jaho zachavać», — adznačyŭ A.Kochan.
Pa pytańni rekanstrukcyi Piščałaŭskaha zamka byŭ praviedzieny šerah kompleksnych navukovych daśledavańniaŭ. Architekturna-płanirovačnaja kancepcyja ŭzhodniena.
«Na terytoryi kompleksu płanujecca zachavańnie piaci budynkaŭ, — skazaŭ A.Kochan. —
Na nižnich pavierchach płanujem raźmiaścić abjekty hramadskaha charčavańnia, apieratarami jakich vystupiać dziaržaŭnyja pradpryjemstvy. Na pavierchach vyšej miarkujecca raźmiaścić administracyjnyja pamiaškańni. Akramia taho, prajekt terytoryi kompleksu praduhledžvaje placoŭku dla kulturna-masavych mierapryjemstvaŭ».
Kamientary