Abvieščany zbor na dapamohu eks-palitviaźniu Antaninie Kanavałavaj
Patrabujecca sabrać 6700 jeŭra.
«Siabra inicyjatyŭnaj hrupy Śviatłany Cichanoŭskaj Antanina Kanavałava za svaju pazicyju Antanina była aryštavanaja i asudžanaja na piać z pałovaj hadoŭ źniavoleńnia. Jaje muž, Siarhiej Jaraševič, taksama apynuŭsia za kratami. Ich dzieci, Vania i Naścia, byli vymušanyja źjechać ź Biełarusi razam z babulaj i ŭvieś hety čas zastavalisia biez baćkoŭ», — paviedamlaje «Bajsoł».
U kałonii Antanina pieraniesła ciažkija ŭmovy ŭtrymańnia, jakija mocna paŭpłyvali na zdaroŭje — zrok pahoršyŭsia nastolki, što znachodziačysia ŭ kałonii, jana atrymała invalidnaść. Niahledziačy na ŭsio, jana zachavała siłu duchu i vieru ŭ lepšaje. U sakaviku 2025 hoda joj udałosia vyjechać u biaśpiečnuju krainu i ŭpieršyniu za 1555 dzion abniać svaich dziaciej.
Zaraz Antanina pačynaje žyćcio z nula. Ź Biełarusi joj daviałosia źjazdžać tolki z dakumientami. Kab adaptavacca ŭ novaj krainie i poŭnaściu kłapacicca pra dziaciej, joj nieabchodnaja naša padtrymka. Antaninie patrebnyja srodki na bazavyja rečy: telefon i kampjutar, kab jana mahła vyrašać bytavyja pytańni, mieć suviaź ź lekarami, znajści pracu i padtrymlivać kantakt ź blizkimi.
«Taksama joj nieabchodna prajści poŭnaje miedycynskaje abśledavańnie — hady źniavoleńnia mocna padarvali jaje zdaroŭje, ale lekary dajuć nievialiki šaniec na častkovaje adnaŭleńnie zroku pry ŭmovie terminovaj dyjahnostyki i mahčymaj apieracyi».
Suma zboru
- €6700
- €1500 — zabiaśpiečyć nieabchodnyja srodki suviazi (telefon i kampjutar) dla intehracyi ŭ novaje hramadstva i padtrymańnia suviazi ź blizkimi,
- €2000 — prajści miedycynskaje abśledavańnie i lačeńnie, asabliva dla adnaŭleńnia zroku,
- €700 — arhanizavać transparciroŭku sabaki ź Biełarusi, ź jakoj dzieci emacyjna źviazanyja,
- €2500 — srodki na žyćcio i adaptacyju ŭ novaj krainie.
Antanina Kanavałava, vyzvalenaja pa pamiłavańni davieranaja asoba Cichanoŭskaj, vyjechała ź Biełarusi i narešcie sustrełasia ź dziećmi
Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia
Śviatłana Cichanoŭskaja sustrełasia z byłoj palitźniavolenaj Antaninaj Kanavałavaj
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary