Hałoŭnaha sapiernika Erdahana na prezidenckich vybarach u 2028 hodzie aficyjna naminiravali jak adnaho z kandydataŭ ad partyi, piša Deutsche Welle.
Pratesty ŭ Turcyi adbyvajucca z 19 sakavika — paśla aryštu hałoŭnaha apazicyjnaha palityka i mera Stambułu Ekrema Imamohłu. Pa infarmacyi MUS Turcyi, za hety čas u krainie zatrymali bolš za tysiaču čałaviek.
«U pieryjad z 19 pa 23 sakavika byli zatrymanyja 1133 padazravanych u niezakonnaj dziejnaści», — paviedamiŭ ministr unutranych spraŭ Ali Jarlikaja ŭ sacyjalnych sietkach.
Jon zajaviŭ, što siarod aryštavanych byli «asoby, źviazanyja z 12 roznymi terarystyčnymi arhanizacyjami».
Jarlikaja dadaŭ, što padčas pratestaŭ byli paranienyja bolš za 120 palicejskich.
Na fonie pratestaŭ apazicyjnaja «Respublikanskaja narodnaja partyja» praviała simvaličnyja prajmieryz, kab abrać Imamohłu svaim kandydatam u prezidenty na vybarach, pryznačanych na 2028 hod.
Raniej Stambulski ŭniviersitet zajaviŭ, što źbirajecca anulavać dypłom Imamohłu — kvalifikacyju, jakaja źjaŭlajecca abaviazkovaj dla kandydataŭ u prezidenty Turcyi.
Ekrema Imamohłu zatrymali 19 sakavika. Ahienctva dpa paviedamiła, što mera abvinavacili ŭ kiraŭnictvie złačynnaj arhanizacyjaj i ŭ karupcyi. Tureckaje dziaržaŭnaje infarmahienctva Anadolu śćviardžała, što ŭ dačynieńni da palityka viadziecca rasśledavańnie pa spravie ab teraryźmie — u tym liku za padtrymku zabaronienaj u krainie Kurdskaj pracoŭnaj partyi.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary