Napiaredadni vybaraŭ u Turcyi adbylisia pratesty ŭ padtrymku hałoŭnaha sapiernika Erdahana
18 sakavika ŭ Turcyi zatrymali Ekrema Imamohłu — mera Stambuła i papularnaha ŭ krainie palityka. Imamohłu — adziny čałaviek, jaki pieramoh kirujučuju partyju Redžepa Taipa Erdahana nie na adnych, a na troch miascovych vybarach, raspaviadaje AP.
U bližejšyja dni palityk pavinien byŭ być abvieščany kandydatam ad apazicyi na vybarach prezidenta krainy, zapłanavanych na 2027 hod. Jaho razhladali jak asnoŭnaha kankurenta dziejučaha kiraŭnika dziaržavy Redžepa Taipa Erdahana.
19 sakavika Imamohłu zatrymali. Ahienctva dpa paviedamiła, što mera abvinavacili ŭ kiraŭnictvie złačynnaj arhanizacyjaj i ŭ karupcyi, piša DW. Tureckaje dziaržaŭnaje infarmahienctva Anadolu śćviardžaje, što ŭ dačynieńni da palityka viadziecca rasśledavańnie pa spravie ab teraryźmie — u tym liku za padtrymku zabaronienaj u krainie Kurdskaj pracoŭnaj partyi.
18 sakavika Stambulski ŭniviersitet paviedamiŭ, što pa zapycie prakuratury Turcyi dypłom Imamohłu, atrymany ŭ 1995 hodzie, budzie anulavany. Dypłom ab vyšejšaj adukacyi — abaviazkovaja ŭmova dla ŭdziełu ŭ prezidenckich vybarach u Turcyi. Imamohłu nazvaŭ rašeńnie VNU «jurydyčna nieabhruntavanym» i «tryvožnaj prykmietaj palityčnaha ŭmiašańnia ŭ akademičnaje žyćcio».
Na fonie zatrymańnia Imamohłu administracyja Stambułu ŭviała zabaronu na praviadzieńnie schodaŭ i demanstracyj da 23 sakavika, kab «padtrymać hramadski paradak va ŭsioj pravincyi i praduchilić mahčymyja pravakacyi».
Tureckija palicejskija zabarykadavali vulicy, jakija viaduć da štab-kvatery palicyi, a śpiecnaz i hruzaviki z vadamiotami pierakryli darohi.
Niahledziačy na heta, na vulicach Stambuła i Ankary sabralisia tysiačy niazhodnych z zatrymańniem Imamohłu. Jany skandavali antyŭradavyja łozunhi, siarod ich — «Zıplamayan Tayyipçi!» («Chto nie skača, toj Taip»).
İstanbul Üniversitesi'nde toplanan öğrenciler "Zıpla zıpla, zıplamayan Tayyipçi" sloganları attı.pic.twitter.com/n05Dx3UsaL
Pratesty adbylisia i siarod studentaŭ. Vydańnie BirGün Gazetesi pakazała, jak natoŭp sa Stambulskaha ŭniviersitetu prarvaŭsia praz palicejskija barykady.
İstanbul Üniversitesi'ndeki yürüyüşte öğrenci seli polis barikatını böyle aştı!https://t.co/MYXuZcOj5z pic.twitter.com/UgcWd1xaQq
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary
vsie, čto oni umiejut, eto biť, ubivať, vorovať, otžimať, podtasovyvať.