«Vyjšli ź mietro i vystraiłasia čarha». U «Minabłpasažyrtransie» prakamientavali situacyju z čerhami na maršrutki
Na vychadnych kala stancyi mietro «Uručča» ŭ Minsku ŭtvaryłasia čarha ź dziasiatkaŭ pasažyraŭ, jakija chacieli pajechać u Barysaŭ i Žodzina. «Minabłpasažyrtrans» prakamientavaŭ hetuju situacyju, śćviardžajučy, što nijakaha praciahłaha pieryjadu čakańnia dla pasažyraŭ, kab sieści ŭ maršrutku, maŭlaŭ, niama.
Jak śćviardžajuć u «Minabłpasažyrtransie», aŭtobusy i maršrutki z taho prypynku adpraŭlajucca kožnyja 5 chvilin. Čarha ž vystraiłasia dla taho, kab zajści ŭ aŭtobus, bo na heta idzie čas.
«Patok ludziej vyjšaŭ ź mietro i vystraiłasia čarha. My pastajanna manitorym situacyju z pasažyrapatokam na hetych napramkach. U vychadnyja dni na hety maršrut vychodzić dadatkovy transpart», — śćviardžaje namieśnik dyrektara «Minabłpasažyrtransa» Siarhiej Jacynovič. —
Što tyčycca videa, to byŭ vychadny dzień — jechała šmat studentaŭ dadomu. Aŭtobusy i maršrutki padjazdžali adzin za adnym. Zatrymka była tolki, kali ludzi zachodzili i raźličvalisia za prajezd. Ale jak tolki transpart adpraŭlaŭsia — padjazdžaŭ nastupny».
Vystraić čarhu z aŭtobusaŭ i maršrutak niepasredna na prypynku, pavodle słoŭ Siarhieja Jacynoviča, nie dazvalaje miesca. Akramia taho, tam pryparkavanyja pryvatnyja mašyny.
«Kolki možna tłumačyć, što heta nie haradski ruch. Dla prykładu, na haradskim prypynku ŭ tym ža Minsku ŭ paślapracoŭny čas staić natoŭp ludziej — aŭtobus padjechaŭ, usie zajšli i pajechali. Čamu nichto videa nie zdymaje? — dzivicca pradstaŭnik «Minabłpasažyrtransa».
Kamientary
A čto tak bojatsia čto kto-to śnimajet?