Byłoha prezidenta Brazilii buduć sudzić pa abvinavačvańni ŭ sprobie dziaržaŭnaha pieravarotu
Žair Bałsanaru prajhraŭ vybary ŭ 2022 hodzie, paśla čaho ŭ krainie pačalisia pratesty. Pa viersii palicyi, były prezident adyhryvaŭ viadučuju rolu ŭ płanavańni i arhanizacyi sproby pieravarotu, piša Reuters.
Eks-prezidenta Brazilii i byłoha armiejskaha kapitana abvinavačvajuć u piaci złačynstvach, u tym liku ŭ sprobie hvałtoŭnaj admieny demakratyčnaha viaršenstva zakona i dziaržaŭnym pieravarocie.
Razam z Bałsanaru padsudnymi buduć bolš za 30 čałaviek, jakich abvinavačvańnie ličyć jaho saŭdzielnikami.
Pratesty ŭ Brazilii adbyvalisia paśla inaŭhuracyi novaha prezidenta Łuła da Siłvy ŭ 2023 hodzie, jaki pieramoh u druhim tury z 50,9% hałasoŭ.
Padčas pratestaŭ prychilniki Bałsanaru ŭvarvalisia ŭ budynki parłamienta i Viarchoŭnaha suda, a taksama ŭ prezidencki pałac. Sotni čałaviek byli zatrymanyja.
U červieni sudździ vyšejšaha vybarčaha suda krainy paličyli, što eks-prezident adkazny za «pahibielnyja dla demakratyi nastupstvy» hetych dziejańniaŭ. Jamu na vosiem hadoŭ zabaranili bałatavacca ŭ prezidenty. Sam Bałsanaru adchilaje ŭsie abvinavačvańni — padčas pratestaŭ jon znachodziŭsia ŭ Fłarydzie.
Pravy papulist Žair Bałsanaru byŭ prezidentam krainy z 2019 pa 2022 hod. Tady jon abviaściŭ vajnu «kulturnamu marksizmu», pad jakim mieŭsia na ŭvazie «libieralizm».
Bałsanaru sfarmiravaŭ urad na tracinu ź siłavikoŭ, abmiežavaŭ dazvolenyja padstavy dla abortaŭ, płanavaŭ vyjści z Paryžskaha pahadnieńnia pa baraćbie z paciapleńniem klimatu, admaŭlaŭ kavid, a taksama chacieŭ «ačyścić» Braziliju ad hiejaŭ i kursaŭ połavaha vychavańnia ŭ škołach.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary