Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy
«Naša Niva» znajšła intryhoŭnyja fakty ŭ čatach emihrantaŭ, pryśviečanych pošukam pracy i bytavym pytańniam. Pryčym nie tolki ŭ čatach biełaruskaj dyjaspary. Ahienty KDB prapanoŭvali tam zarabić na sačeńni za biełaruskimi emihrantami.
Reakcyja nie prymusiła siabie čakać.
Karystalnik «Siarhiej» (@gfst1297, ID 5988969326), jaki šukaŭ ludziej, jakija buduć rabić videa ź biełaruskich akcyj na Dzień Voli, zabaraniŭ sabie pisać usim, u kaho niama premium-akaŭnta.
I akurat paśla našaj publikacyi, jon, jaki ŭvieś čas maŭčaŭ, aktyvizavaŭsia i napisaŭ u čat biełarusaŭ Hiermanii na bytavuju temu. Raniej jon nikoli tak nie rabiŭ.
Pry hetym jon nie vypiliŭsia z čataŭ, a, naadvarot, ustupiŭ u paru novych čataŭ dyjaspary.
Jašče bolšaja mietamarfoza adbyłasia z akaŭntam «alex060580» (id6868032872). Jon prybraŭ imia karystalnika, zatoje dadaŭ spampavanaje ź interneta fota i źmianiŭ nik.
Akurat paśla našaj publikacyi ŭčora ŭviečary jon raźmiaściŭ čarhovyja abjavy pra pracu, choć nie rabiŭ hetaha bolš za dva tydni.
Kali vy sutykalisia z takimi abviestkami, nazirali cikavyja fakty ci viedajecie bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
My ž na siońnia bačym, jak łukašenkaŭskija śpiecsłužby pracujuć prynamsi dvuma mietadami — pošukam ludziej niepasredna praz svaich supracoŭnikaŭ dy pošukam ludziej praź cieniavyja «biržy pracy». My majem zafiksavanyja fakty, što z akaŭntaŭ, ź jakich šukali ludziej dla śpiecapieracyj u Vilni, pracavali i pa nielehalnaj mihracyi dy nielehalnym biznesie ŭ krainach pa-za miežami Jeŭrasajuza.
Kali vam važnaja praca, jakuju robiać žurnalisty «Našaj Nivy», padtrymajcie nas danatam praz «Patreon».
«Naša Niva» — bastyjon biełaruščyny
PADTRYMAĆCiapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu3
Kamientary