Niekalki čałaviek atrymali admovu ŭ padačy chadajnictva ab prytułku na miažy ź Biełaruśsiu
Niekalki čałaviek atrymali admovu ŭ padačy chadajnictva ab prytułku na miažy ź Biełaruśsiu paśla taho, jak polski ŭrad abmiežavaŭ takoje prava. Pra heta ŭ efiry RMF24 raspavioŭ ministr zamiežnych spraŭ Polščy Radasłaŭ Sikorski, piša Reform.news.
Nahadajem, tydzień tamu prezident krainy Andžej Duda padpisaŭ papraŭki ŭ zakon ab pradastaŭleńni abarony zamiežnikam na terytoryi krainy, a na nastupny dzień urad pryniaŭ adpaviednaje rasparadžeńnie, jakim prava na padaču chadajnictva było prypyniena na termin u 60 dzion na miažy ź Biełaruśsiu.
«Bolš, čym adzinki, ale mienš, čym dziasiatki», — tak adkazaŭ Sikorski na pytańnie pra kolkaść admoŭ.
Jon nahadaŭ, što mihranty pa-raniejšamu majuć prava chadajničać ab pradastaŭleńni mižnarodnaj abarony ŭ Polščy ŭ dypłamatyčnych pradstaŭnictvach krainy ŭ Minsku i Maskvie.
«Heta možna zrabić u konsulstvie Polščy ŭ Minsku abo Maskvie. Nahadaŭ by, što heta ludzi, pryviezienyja rasijanami ź Blizkaha Uschodu i pierapravlenyja ŭ Biełaruś z metaj siłaj prabicca ŭ Jeŭrasajuz», — skazaŭ jon.
Ministr kanstatavaŭ rost mihracyjnaha cisku na miažy ź Biełaruśsiu. «Majem spravu z uzmacnieńniem atak na našaj uschodniaj miažy», — dadaŭ jon.
Sikorski padkreśliŭ efiektyŭnaść mier pa ŭmacavańni fizičnaha i elektronnaha barjera, što dazvalaje pamiežnikam chutčej reahavać na parušalnikaŭ miažy.
Pa infarmacyi polskaj Pamiežnaj achovy za aŭtorak było spyniena bolš za 110 sprobaŭ parušeńnia miažy mihrantami.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami22
Kamientary