Biełarus adpačyvaŭ u Jehipcie i vypadkova ŭklučyŭ roŭminh: ź jaho śpisali 237 rubloŭ za 3 miehabajty
Minčanin dumaŭ, što roŭminh u Jehipcie ŭvohule nie pracuje, ale jon pamylaŭsia.
Minčuk Dźmitryj adpačyvaŭ u Jehipcie ŭ sakaviku. Mora, sonca, usio ŭklučana — zdavałasia, ništo nie moža sapsavać adpačynak. Kali b nie adna pamyłka.
U niejki momant mužčyna vypadkova ŭklučyŭ na telefonie roŭminh. I pajezdka imhnienna surjozna padaražała. Usiaho za 2,7 miehabajta ź minčuka śpisali 237 rubloŭ, pišuć «Mocnyja naviny».
«Ja ŭvohule nie viedaŭ, što ŭ Šarmie jość roŭminh MTS. Dla paraŭnańnia, tam sim-karta na 100 hihabajt kaštuje 7 dalaraŭ. Mnie pašancavała, što ja praz Wi-Fi hatela pahladzieŭ bałans. Tak by byli ŭvohule kaśmičnyja sumy. Čamu mianie nie papiaredzili, što ŭklučany roŭminh?» — raspavioŭ mužčyna.
Małady čałaviek napisaŭ aficyjny list u kampaniju. Tam jamu patłumačyli, što ŭsio zakonna.
«Ažyćciaŭleńnie pieradačy danych mahčyma jak u vyniku niepasrednych dziejańniaŭ abanienta, tak i ŭ suviazi z asablivaściami naładžvańnia vykarystanaha abstalavańnia (naprykład abnaŭleńnie prahram). Śpisańnie srodkaŭ było abhruntavana, pravavych padstaŭ dla pieraliku abo viartańnia hrašovych srodkaŭ nie majecca», — adkazali ŭ MTS.
Darečy, na sajcie apieratara vystaŭleny taryfy na roŭminh u roznych krainach śvietu. U Jehipcie ŭ sietkach Orange i Etisalat adzin miehabajt internet-trafiku ŭ roŭminhu sapraŭdy kaštuje 84 rubli 82 kapiejki.
-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
Kamientary
To zrazumieła i nie pryhoža.
A toje, što Vy raskazvajecie - niejki dziciačy sad. Jość detalizacyja i možna zrazumieć, na jakuju pasłuhu mienavita pajšli hrošy.
Kali heta internet, to, mabyć, vybrali taryf ź minimalnym trafikam i stracili na im niekalki (dziasiatkaŭ) hihabajt. Inakš hetyja +40 rub. abo navat +$80 nijak nie atrymajucca.