«Biełarusnafta» papiaredziła kiroŭcaŭ ab prablemach z apłataj na zapraŭkach
«Biełarusnafta» papiaredziła kiroŭcaŭ pra «niestabilny pryjom bankaŭskich kartak VISA i Mastercard pry apłacie praź sistemu NFC» na zapraŭkach. Havorka pra bieskantaktnuju apłatu z dapamohaj smartfona abo hadzińnika.
U svaim paviedamleńni «Biełarusnafta» ŭdakładniła, što prablemy ŭźnikajuć pry apłacie praz dadatki Samsung Pay, Apple Pay i inšyja.
Kali bieskantaktnaja apłata nie prajšła, u arhanizacyi paraili vykarystoŭvać try alternatyŭnyja sposaby zapłacić:
- z dapamohaj fizičnaj bankaŭskaj kartki;
- praz mabilny dadatak «Biełarusnafta», adskanavaŭšy QR-kod na kałoncy;
- z dapamohaj dadatku «Biełkart Pay».
Dla «pavyšeńnia stabilnaści płaciažoŭ» i minimizacyi prablem z apłataj «Biełarusnafta» parekamiendavała pierajści na sistemu «Biełkart».
Raniej paviedamlałasia, što z 1 krasavika 2025 hoda niedastupnaja mahčymaść apłačvać pakupki dadatkami dla apłaty Samsung Pay, Apple Pay, Huawiei Pay, Swoo Pay, Garmin Pay, Xiaomi Pay u kramach sietki «Karona».
Kamientary