Niekatorym kiroŭcam chočuć źmiakčyć pakarańnie za jazdu biez pravoŭ
Pra namier uładaŭ źmiakčyć pakarańnie za kiravańnie biez pravoŭ raskazaŭ načalnik Hałoŭnaha ŭpraŭleńnia DAI Viktar Rotčankaŭ. Havorka idzie pra kiroŭcaŭ, jakija sadziacca za rul, kali termin ich paśviedčańnia ŭžo skončyŭsia.
DAI choča raźmiežavać tych, chto prosta praterminavaŭ pravy i tych, chto ich nikoli nie atrymlivaŭ abo byŭ pazbaŭleny.
«Asobna budzie iści kiravańnie transpartnym srodkam, kali skončyŭsia termin dziejańnia pravoŭ kiroŭcy. I, vierahodna, pakarańnie budzie bolš miakkaje. Kab nie pryciahvałasia paŭtornaść da kiroŭcy — taksama buduć prymianiacca bolš miakkija miery, čym ciapier», — rastłumačyŭ Viktar Rotčankaŭ.
Za jazdu biez pravoŭ u Biełarusi možna atrymać navat kryminałku, kali biaspraŭnika zatrymajuć za hod trojčy. Kali ž jon trapicca biez pravoŭ upieršyniu, to praduhledžany štraf 20 bazavych vieličyń (840 rubloŭ).
Kamientary