Amal pałova šmatdzietnych minčukoŭ-čarhavikoŭ admovilisia ad žylla. Čamu?
Pabudavać na lhotnych umovach kvateru abo dom tyja, chto ŭ čarzie, mohuć maksimum za 5 hadoŭ. Ale mnohija admaŭlajucca ad hetaha.
— Za apošnija 5 hadoŭ čarhavikoŭ stała mienš na 12%, abo na 80 tysiač, heta značyć faktyčna źniataja z čarhi cełaja Minskaja vobłaść, u jakoj siońnia 82 tysiačy siemjaŭ, jakija žadajuć palepšyć žyllovyja ŭmovy. Praktyka pakazvaje: tyja, chto sapraŭdy maje namier pabudavać kvateru abo dom, vyrašajuć pytańnie za hod-dva, maksimum 5 hadoŭ, — skazała namieśnica načalnika adździeła jurydyčnaj pracy i kadraŭ Ministerstva žyllova-kamunalnaj haspadarki Nadzieja Jakušova, cytuje jaje BiełTA.
Šmatdzietnyja atrymlivajuć zaprašeńnie na budaŭnictva ŭ rajonnych centrach ledź nie z momantu naradžeńnia treciaha dziciaci, u Minsku — na praciahu hoda. Ale letaś z 3,5 tysiačy šmatdzietnych minčukoŭ-čarhavikoŭ amal pałova admovilisia ad damoŭ dolevaha budaŭnictva. Pieršaja pryčyna: majuć va ŭłasnaści žyllo, i kab nabyć novaje, treba istotnuju sumu dapłočvać. Naprykład, jość dvuška 50 kvadrataŭ. Kali chočuć pabudavać 100-mietrovuju čatyrochpakajovuju, to lhotny kredyt i subsidyju atrymajuć tolki na 50 kvadrataŭ — za vylikam najaŭnaj žyłpłoščy.
Druhaja pryčyna — čakajuć pačatku budaŭnictva ŭ inšych miescach.
Akramia taho, u Minsku ŭsio mienš šmatdzietnych siemjaŭ stanoviacca na ŭlik. Ich za hod stanovicca bolš na 600-800, a raniej štohod dadavałasia zvyš 1000.
Kamientary
https://dck8xvlq18iei.cloudfront.net/363996