Zialenski paćvierdziŭ znachodžańnie ŭkrainskich vajskoŭcaŭ u Biełharadskaj vobłaści Rasii
Prezident Ukrainy Uładzimir Zialenski ŭpieršyniu aficyjna paćvierdziŭ prysutnaść ukrainskich vajskoŭcaŭ u Biełharadskaj vobłaści Rasijskaj Fiederacyi. Pavodle jaho słoŭ, aktyŭnyja dziejańni ŭ pryhraničnych rajonach dziaržavy-ahresara źjaŭlajucca abhruntavanym adkazam na rasijskaje ŭvarvańnie, piša «Ukrainskaja praŭda».
«Asobna dakładvaŭ hałoŭnakamandujučy Alaksandr Syrski: front, naša prysutnaść na Kurščynie i naša prysutnaść u Biełharadskaj vobłaści. Praciahvajem vieści aktyŭnyja dziejańni ŭ pryhraničnych rajonach na terytoryi voraha, i heta absalutna spraviadliva — vajna pavinna viartacca tudy, adkul jana pryjšła», — skazaŭ prezident Ukrainy.
Heta pieršaje publičnaje paćvierdžańnie na najvyšejšym uzroŭni faktu znachodžańnia ŭkrainskich padraździaleńniaŭ u Biełharadskaj vobłaści. Raniej takija apieracyi aficyjna nie kamientavalisia.
Zialenski padkreśliŭ, što asnoŭnaj metaj hetych dziejańniaŭ źjaŭlajecca abarona ŭkrainskich terytoryj na Sumščynie i Charkaŭščynie, jakija sistematyčna padviarhajucca abstrełam z boku Rasii.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary