U 2024 hodzie hramadzianie Biełarusi nabyli ŭ Polščy kala 3 tys. kvater ahulnaj płoščaj amal 180 tys. kvadratnych mietraŭ. Heta na 60% bolš, čym u 2023 hodzie, piša Most ca spasyłkaj na Propertynews.pl.
Usiaho ŭ 2024 hodzie zamiežniki nabyli ŭ Polščy 17 330 kvater, abo na 21% bolš, čym hodam raniej. Bolš za pałovu nabyli ŭkraincy — kala 9 tys. — heta na čverć bolš, čym u 2023 hodzie. Biełarusy — na druhim miescy.
A voś hramadzianie Hiermanii stali radziej układvać hrošy ŭ žyllovuju nieruchomaść u Polščy: za 2024 hod jany nabyli abjekty ahulnaj płoščaj 57 tys. kvadratnych mietraŭ, što na 25% mienš, čym u 2023 hodzie.
Najčaściej zamiežniki nabyvali kvatery ŭ Varšavie. Za hod u stalicy jany nabyli 3535 kvater, ź jakich 3045 nabyli fizičnyja asoby, a 490 — jurydyčnyja. Heta bolš čym na 20% pieravyšaje pakazčyk papiaredniaha hoda. Na druhim miescy znachodzicca Krakaŭ (1523 kvatery). Dalej iduć Urocłaŭ (1491), Łodź (827), Poznań (540), Hdańsk (325), Hožaŭ-Vielkapolski (204), Ščecin (158).
Siaredniaja płošča kvatery, nabytaj zamiežnikami ŭ Polščy, skłała 58 kv. mietraŭ. Hety pakazčyk istotna nie źmianiŭsia ŭ paraŭnańni z papiarednim hodam.
Na dumku Bartaša Tureka, ekśpierta kampanii Hreit, rost cikavaści zamiežnikaŭ da nabyćcia žylla ŭ Polščy vyklikany jak hieapalityčnymi ŭmovami, tak i spryjalnaj situacyjaj u krainie.
— Dla mnohich ludziej klučavymi ŭmovami źjaŭlajucca ekanamičnaja stabilnaść, nizkaje biespracoŭje, rost zarobkaŭ i bolš nizki, čym u Zachodniaj Jeŭropie, košt žyćcia, — adznačyŭ Turek.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary